Tang aa chuke haiN....

Arts & Culture Poetry ( Intikhaab & Sho'ra-e-Gupshup)
1

Tang aa chuke haiN kash-ma-kash-e-zindagii se hum
Thukraa naa deiN jahaaN ko kaheeN bedilii se hum..

Maayoosii-e-ma’Al-e-mohabbat naa poochhiye
ApnoN se pesh aaye haiN begaangii se hum..

Lo aaj humne torD diyaa rishtaa-e-ummeed
Lo abb kabhii gilaa naa kareNge kisii se hum..

Garr zindagii meiN mil gaye phir ittafaaq se
PocheNge apnaa haal terii bebasii se hum..

Allah re fareb-e-masahiiyat ke aaj tak
Duniyaa ke zulm sehtey rahe Khaamoshii se hum..

Hum Ghum-zadaa haiN laaye kahaaN se Khushii ke geet
DeNge wohii jo paayeNge iss zindagii se hum..!

2

khoob

3

**Hum Ghum-zadaa haiN laaye kahaaN se Khushii ke geet
DeNge wohii jo paayeNge iss zindagii se hum **

Bahut Khoob Nayab :k:

Thanx for sharing :slight_smile:

4

good one :k:

5

very beautiful Nayab jee :)

6

Hum Ghum-zadaa haiN laaye kahaaN se Khushii ke geet
DeNge wohii jo paayeNge iss zindagii se hum..!

Beautiful…:flower2:

7

Thanks Azad ,KoiDost , Shehenshah , Daagh and reet Jee :)