tamaan umar azaabon kaa silasilaa to rahaa
ye kam nahii hamein jeenay kaa hausalaa to rahaa
guzar hii aaye kisii tarah tere diivaane
qadam qaadam pe koii saKht marhalaa to rahaa
chalo na ishq hii jiitaa na aqal haar sakii
tamaam vaqt maze kaa muqaabalaa to rahaa
main terii zaat mein gum ho sakaa na tu mujh mein
bahut qareeb thay ham phir bhii faasalaa to rahaa
ye aur baat ki har chheD laa_ubaalii thii
terii nazar kaa dilon se muamalaa to rahaa
bahut haseen sahii wazae-ehatiyaat terii
merii havas ko tere pyaar se gilaa to rahaa
