Re: Talkhi E Hayyat Say Ghabra K Pee Gaya
mujhe Jigar Moradabadi kii yeh Ghazal yaad aa gaii:
**saaqii kii har nigaah pe bal khaa ke pii gayaa
lai’haroN se kheltaa huaa lai’hraa ke pii gayaa
be_kai’fiiyoN ke kai’f se ghabraa ke pii gayaa
tauba ko toR_taaR ke tharraa ke pii gayaa
zaahid! yeh merii shoKhii-e-rindaana dekhna
raHamat ko baatoN baatoN meN bahlaa ke pii gayaa
sar_mastii-e-azal mujhe jab yaad aa gaii
duniyaa-e-ai’tbaar ko Thukraa ke pii gayaa
aazurdgii-e-Khaatir-e-saaqii ko dekh kar
maiN intihaa-e-shauq meN ghabraa ke pii gayaa
piitaa ba_Ghai’r izn yeh kab thii merii majaal
dar_parda chashm-e-yaar kii sheh paa ke pii gayaa
us jaan-e-mai’kada ki qasam baar_haa, “Jigar!”
kul 'aalam-e-bisaat pe maiN chhaa ke pii gayaa**