Der lagi aane mein tumko shukr hai phir bhi aaye to
aas ne dil ka saath na chorha waise ham ghabraaye to
Shafaq dhanak mahtaab ghataein taare naghmein bijli phool
uss daaman mein kya kya kuch hain wo daaman haath mein aaye to
Chahat ke badle mein ham tu baech dein apni marzi taq
koee miley tu dil ka gahak koee hamein apnaaye to
sunee sunaee baat nahi hai apne oopar beeti hai
phool nikalte hain sholon se chaahat aag lagaaye to
jhoot hai sab tareeq hamesha apne ko dohraati hai
acha mera khwaab-e-jawani thora sa dohraaye to
Naadani aur majboori mein yaaro kuch to farq karo
ek bebas insaan kare kya tuut ke dil aa jaaye to
by:Andleeb Shadani
Re: Talaash
Raat ki besakoon khamoshi mein
ro raha hoon ki so nahi saktaa
rahaton ke mahal banata hai
dil jo abaad ho nahi sakta
door shama-e-khayaal ke maanind
shama vaadi ki jhil-milaati hai
yaas ke beqaraar andhere mein
eik umeed muskurati hai
tere jaane ka gham bhulata hoon
tere aane ki yaad aati hai
haay is bebasi ke aalam mein
kis zamane ki yaad aati hai
Shab ko viraan rah-guzaaron se
ser jhukaaye huay guzarta hoon
qah-qahon mein qaraar khoya tha
aansu'on mein talaash karta hoon
By: Saifuddin Saif
Re: Talaash
Sunte hain ki mil jaati hai her cheez dua se
aik roz tumhein maang ke dekhenge khuda se
tum saamne baithe ho to hai kaif ki barish
wo din bhi thay jab aag barasti thi ghata se
ay dil tuu unhein dekh kar kuch aise tarhpa
aa jaaye hansi un ko jo baithe hain khafa se
dunya bhi mili hai gham-e-dunya bhi mila hai
wo kyun nahi milta jise maanga tha khuda se
aaeene mein wo apni adaa dekh rahe hain
mur jaaye ki jee jaaye koee unki bala se
By: Rana Akbarabadi
Re: Talaash
Bhai Mirabbas,
Aap ek Guldasta, apne Intekhaab ka chapwa den.
Re: Talaash
Hain justajuu ke khoob se hai khoobtar kahaan
ab dekhiye thaharti hai jaa kar nazar kahaan
ik umr chahiye ke gawara ho nash-e-ishq
rakhi hai aaj lazzat-e-zakhm-e-jigar kahaan
ham jis pe mar rahe hain wo hai baat hi kuch aur
aalam mein tujhse laakh sahi tuu magar kahaan
hoti nahi qabuul dua tark-e-ishq ki
dil chahta na ho to zubaan mein asar kahaan
'Hali' nishaat naghma-o-mai dhuundte ho ab
aaye ho waqt-e-subh rahe raat bhar kahaan
By: Altaf Hussain Hali
Re: Talaash
Agar talaash karoon koee mil he jaaega
magar tumhari tarha kon mujhe chahega
tumhein zaroor koee chahaton se dekhega
magar wo aankhein hamari kahaan se laaega
na jaane kab tere dil per naee see dastak ho
makaan khaali huaa hai tu koee aaega
main apni raah mein dewaar ban ke baetha hoon
agar wo aayaa tu kis raaste se aaega
By: Basheer Badar