I read this by Amjad Islaam Amjad a long time back. I question its basic premise everytime I read it but then again, I like it too.
Mohabat ki tabiyat main yeh kaisa bachpana kudrat nay rakha hai
Kay yeh jitni purani, jitni mazboot ho jaai
Isay taee-day taza ki zaroorat phir bhi rehtee hai
Yaqeen ki aakhri had tak diloon main lehlahatee how
Nigahoon say tapakti how, lahu main jagmagati how
Isay izhaar kay lafzoon ki hajat phir bhi rehti hai
Mohabat mangti hai yooon gawahi apnay honay ki
Kay jaisay tifl-e-sada shaam kow eik beej boay
Aur shab main baarha uthay
Zameen kow khowd kar daikhay
Kay powda ab kahan tak hai
Mohabat ki tabiyat main
Ajab takraar ki khu hai
Kay yeh
Iqrar kay lafzoon kow sunnay say naheen thakti
Bicharnay ki ghari how ya koi milnay ki saaAt how
Isay bas Eik he dhun hai
Kahow mujh say mohabat hai
Kahow mujh say mohabat hai
Kuch eisee baisukooni hai wafa ki sarzameenoon main
Kay jo ehlay mohabat kow sada bechain rakhti hai
Kay jaisay phhol main khusboo
kay jaisay haath main tarah
Mohabat karnay waloon ki sehar raatoon main rehtee hai
Gumaan kay shakhchoon main Ashiyaan banta hai ulfat ka
Yeh tehseen o wisal main bhi hijr kay khadshoon main rehtee hai
Mohabat kay musafir zindagi jaab kaat chuktay hain
Thakan ki kirchiyaan chuntay, wafa ki ajrakain pehnay
samay ki rahguzar ki aakhri sarhad pay ruktay hain
Tou koi doobi sansoon ki doori thaam kar
Dheeray say kehta hai
Yeh sach hai na!
Hamari zindagi Eik doosray kay naam likhi thee
Dhundlaka saa jow ankhoon kay qareeb o door pehla hai
Usi ka naam chahat hai
Tumhain mujh say mohabat thee
tuhain mujh say mohabat hai
Mohabat ki tabiyaat main yeh kaisa bachpana kudrat nay rakha hai—