Meri Do Nazmain Jo Aapas Main Related Hain,
Tubb..
Aankhon Main Hai Shokhi Pinhaan
Honton Talay Muskaan Dabi Hai
Gaati Her Dam Geet Naye Woh
Dil Main Bhi Surr Taan Naee Hai
Chehra Uss Ka Chand Sa Roshan
Gaalon Main Bhi Bhanwar Bani Hai
Saamnay Paa-Kay Saajan Apna
Nazar Bhi Uss Pe Aan Jami Hai
Jese Naadaan Bholi Larki
Khil Uth Ker Ek Phool Bani Hai
Abb..
Aankh Main Uss Ke Nami Bhari Hai
Maathay Pe Bhi Gardd Atti Hai
Dil Bhi Dukh Main Doob Gaya Hai
Honton Pe Muskaan Nahi Hai
Saajan Uss Ka Ghair Hua Tou
Her Dam Jhoomti Gaati Larki
Hansna Tak Bhi Bhool Gai Hai
Jese Bilkul Toot Gai Hai..
(Ahmer)
Umeed Hai Aap Logon Ko Pasand Aye Gi,
Regards,
