Jab raat ki nagan dastee hey
nas nas main zehar utarta hey
jab chand ki kirnein tezee se
iss dil ko cheer ke aatee hein
jab aankh ke ander hi aansoo
zanjeeron se bandh jate hein
sab jazbon par cha jaate ho
tab yaad bohat tum aatey ho
jab dard ki jhanjar bajtee hey
jab raqs ghamon ka hota hey
khawabon ki taal pe saarey dukh
wehshat ka saaz bajatey hein
gaatey hein khawahish ki ley mein
mastee mein jhoomtey jaatey hein
sab jazbon pe cha jatey ho
tab yaad bohat tum aatey ho
tab yaad bohat tum aatey ho