Taaj tere lea ik mazhar-e-ullfat hi sahi
*Tujh ko is waadi-e-rangeen se aqeedat hi sahi *
*Meri mehboob kahin aur mila kar mujh se! *
*Bazm-e-shaahi main Gharibon ka guzar kya mani *
*Sabt jis raah pe hoon suttwat-e-shaahi ke nishaan *
*Uss pe ullfat bhari roohon ka safar kya mani *
*Meri mahboob pas-e-parda-e-tash-heer-e-wafa *
*Tu ne suttwat ke nishanon ko to dekha hota *
Murda shahon ke muqabir se bahelne wali
*Apne taarik makanon ko to dekha hota *
*Anginat logon ne duniya main muhabbat ki hai *
*Kon kehta hai ki saadiq na they jazbay unn kay *
*Lekin unn ke lea tash-heer ka samaan nahin *
*Kiu ke wo log bhi apni hi tarah muflis they *
*Yea imaraat-o-maqabir, yea faseelain, ye hisaar *
*Muttlik-ul-hukm shehen-shahon ki azmat ke sutoon *
*Daman-e-dehar pe uss rang ki gulkaari hai *
Jis main shamil hai, tere aur mere ajjdaad ka Khoon
*Meri mehboob! unhain bhi to muhabbat hogi *
*Jinki sannai ne bakhshi hai isay shakal-e-jameel *
*Unn ke pyaron ke muqabir rahay be-naam-o-namood *
*Aaj tak unn pe jalai na kisi ne qandeel *
Yea chaman-zaar, yea jammna ka kinara yea mehal
*Yea munaqash dar-o-deewar, yea mehraab ye taaq *
*Ik shahan-shah ne daulat ka sahara le kar *
*Ham garibon ki muhabbat ka urdaya hai mazaq *
*Meri mehboob kahin aur mila kar mujh se! *
—
Re: Taaj Mahal
Good one Wudood … :k:
Re: Taaj Mahal
nice:k: