Sureeli Ghazlen aur Nazmen

muqawwee123 · December 7, 2013, 2:28am

Re: Sureeli Ghazlen aur Nazmen

Poet: Raza Tirmizi, Singer: ustaad Amanat Ali

Dil main dard ke meethe meethe phool khile
phir yaadon ki hawa chali phir shaam hui

Ishq safar tha tanhai ke sehra ka
unse rasm o raah to do ik gaam hui

Teri khatir tera naam na lete the
lekin chup ki baat boht badnaam hui

Kon pukare ga yun tujhko dekh na ja
dil ke ik ik dhaRakan tera naam hui

jaane kaisa khwab tha barson beet gae
jab se aankhen kholin neend haraam hui

muqawwee123 · December 7, 2013, 2:43am

Re: Sureeli Ghazlen aur Nazmen

Meray dil mein teri yaadon ke saaye
Hawaa jaise khandar mein sarsaraye

Ham he ne sub ke gham ko apna jaana
Ham he ne sub ke haathon zakhm khaaye

Dil-e-betaab ki wus’at to dekho
Zamane bhar ke isne gham samaye

Kisi ne pyaar se jab bhi pukara
Tu palkoon per sitaray jhil’milaye

Shab e furqat her ik aahat pe mujh ko
Yeh he dhoka howa shayad wo aaye

Khushi di hai zamane bhar to Imdaad
Agarche umar bhar aanso bahaye

Singer: Nusrat Fateh Ali Khan; Poet= Imdad?