Supurdgi
Aay mata-e-nazar
mera hona teri zaat se iss tarhaan munsalik hay
ke jesay kisi seep key aabroo is ke gohar se hay
jesey parchaein ka rabt pekar se hay
jis tarhaan rang-e-mey jaam-o-saghar se he
mein agar bolta hun tere sukhan ki inayat he ye
mein agar dekhta hun tery nigah key karamat hay ye
mein agar chup hun teri mohabbat he ye
mein samandar nahein
jo kinaron se niklun to aabadion mein qayamat machay
mein muqaddar nahein
jo badalta rahun, bin kahey, bin sunay
mein nahein tashna lub jo saraabon key aahat pe chalta rahun
mein bagola nahein jo hawa ke isharay pe udta phirun
mein tere shehar ke sangdil raston ka sataya huwa
ik musafir hun jis key girha mein faqat arzoo hey
nigahon mein too hey,
mein tere jannisaron ke anmboh se hun-tere wastey hun
tu mujhay janta bhi na ho to ta_ajjub nahein
haan tere wastay to mere saath ke sankron hein yaha_n
khaak barsir,pareshan nazar,be nishan
nashanasi ki qatil hawa se bachain aur jaein kahan,
ay tamannae jaan
ajnabiet ke is shehr-e-gumnam mein,mein tere naam ka ek masloob hun
wapsi keliey koi rasta nahein,too bhi milta nahein
hon mubarak tujhey teri kam goyian–tujh ko dhoondun kahaan!
mere ehsaas-e-jan ki namoo tujh se hay
mein agar seep hun abroo tujh se hay
phool hun me agar rang-o-boo tujh se hay
aur agar jism hun to lahoo tujh se hay
Always Smile!
[This message has been edited by &Passionate (edited February 26, 2002).]
[This message has been edited by &Passionate (edited February 26, 2002).]