Sunoo Ay chand se larki
abhi tum kah rahee the na
Tumhain mujh say mohabat ho nahin saktee
Chalo mana k ye such hai
Magar ayy chand se larki
Mujhay itna batao tum
K jab mausam badaltay hain
Guloon mein rung bhartay hain
Tu phir kyun muztarib ho kar
Akailay- pan say ghabra kar
Hawa ko raaz daytee ho
Mujhay awaaz daytee ho
Sunoo ay chand se larki
Tumharay samnay jab koi mera naam layta hai
Tu phir kyun chonk jatee ho
Chalo mana tumhain mujh say mohabat ho nahin saktee
Magar itna samajh lo tum
Jahan chahat nahin hotee
wahan nafrat k honay ka koi imkaa’n nahin hota
mera dawaa hai chahat mein
Jahan nafrat nahin hotee
Wahan aksar ye dekha hai
Agar kuch waqt kut jaiy
samay ki dhool chut jaiy
Tu wahshat bhaag jatee hai
Mohabaat jaag jatee hai
J/k