One of my fav by Mohsin Naqvi
**Safar Tanha Nahi Karte
Suno! Aesa Nahi Karte
Jise Shafaaf Rakhna Ho
Usey Mela Nahi Karte
Teri Aankhen Ijazat Dein
Tou Hum Kya Kya Nahi Karte
Bohat Ujre Howe Ghar ko
Bohat Socha Nahi Karte
Safar Jiska Muqaddar Ho
Usey Roka Nahi Karte
Jo Mil Kar Khud Se Kho Jaey
Usey Ruswa Nahi Karte
Ye Onchey Pair Kese Hain
Kahein Saya Nahi Karte
Kabhi Hansne Se Darte Hain
Kabhi Roya Nahi Karte
Teri Aankhon Ko Parhte Hain
Tujhe Dekha Nahi Karte**
**Chalo...Tum Raaz Ho Apna
Tumhein Afsha Nahi Karte
Jo Dhun Ho Kar Guzarne Ki
Tou Phir Socha Nahi Karte
Sahar Se Pooch Lo "Mohsin"
Ke Hum Soya Nahi Karte**