sunaa hai log use aa.Nkh bhar ke dekhate hai.n

Arts & Culture Poetry ( Intikhaab & Sho'ra-e-Gupshup)
1

sunaa hai log use aa.Nkh bhar ke dekhate hai.n
so us ke shahar me.n kuchh din Thahar ke dekhate hai.n

sunaa hai rabt hai us ko Kharaab haalo.n se
so apane aap ko barbaad karake dekhate hai.n

sunaa hai dard kii gaahak hai chashm-e-naazuk us kii
so ham bhii us kii galii se guzar kar dekhate hai.n

sunaa hai us ko bhii hai sher-o-shaayarii se shagaf
so ham bhii mojaze apane hunar ke dekhate hai.n

sunaa hai bole to baato.n se phuul jha.Date hai.n
ye baat hai to chalo baat kar ke dekhate hai.n

sunaa hai raat use chaa.Nd takataa rahataa hai
sitaare baam-e-falak se utar kar dekhate hai.n

sunaa hai hashr hai.n us kii Gazaal sii aa.Nkhe.n
sunaa hai us ko hiran dasht bhar ke dekhate hai.n

sunaa hai din ko use titaliyaa.N sataatii hai.n
sunaa hai raat ko jugnuu Thahar ke dekhate hai.n

sunaa hai raat se ba.Dh kar hai.n kaakule.n us kii
sunaa hai shaam ko saaye guzar ke dekhate hai.n

sunaa hai us kii siyaah chashmagii qayaamat hai
so us ko surmaafarosh aa.Nkh bhar ke dekhate hai.n

sunaa hai us ke labo.n se gulaab jalate hai.n
so ham bahaar par ilzaam dhar ke dekhate hai.n

sunaa hai aa_iinaa tamasaal hai jabii.n us kaa
jo saadaa dil hai.n ban sa.Nvar ke dekhate hai.n

sunaa hai jab se hamaa_il hai.n us kii gardan me.n
mizaaj aur hii laal-o-gauhar ke dekhate hai.n

[hamaail=something to wear around the neck]

sunaa hai chashm-e-tasavvur se dasht-e-imkaan me.n
palang zaave us kii kamar ke dekhate hai.n

sunaa hai us ke badan ke taraash aise hai.n
ke phuul apanii qabaaye.N katar ke dekhate hai.n

vo sarv-qad hai magar be-gul-e-muraad nahii.n
ke us shajar pe shaguufe samar ke dekhate hai.n

bas ek nigaah se luTataa hai qaafilaa dil kaa
so rah_ravaan-e-tamannaa bhii Dar ke dekhate hai.n

sunaa hai us ke shabistaan se muttasil hai bahisht
makiin udhar ke bhii jalve idhar ke dekhate hai.n

ruke to gardishe.n us kaa tavaaf karatii hai.n
chale to us ko zamaane Thahar ke dekhate hai.n

kise nasiib ke be-pairahan use dekhe
kabhii kabhii dar-o-diivaar ghar ke dekhate hai.n

kahaaniyaa.N hii.n sahii sab mubaalaGe hii sahii
agar vo Khvaab hai taabiir kar ke dekhate hai.n

ab us ke shahar me.n Thahare.n ki kuuch kar jaaye.N
‘Faraz’ aao sitaare safar ke dekhate hai.n

2

Re: sunaa hai log use aa.Nkh bhar ke dekhate hai.n

long but v nice muddi g thanks for sharing with us :)

3

Re: sunaa hai log use aa.Nkh bhar ke dekhate hai.n

:) Hmmmm well I will also try to share shorter ones but lagta hai keh yaa to is forum pay hum dunno he budzok hain ya phir baqi sub.......kisseee nay bhee parh kar reply key zehmat hee nahee key...............haha

I need a new handbag
4

Re: sunaa hai log use aa.Nkh bhar ke dekhate hai.n

good

5

Re: sunaa hai log use aa.Nkh bhar ke dekhate hai.n

Thank u for liking:)

6

Re: sunaa hai log use aa.Nkh bhar ke dekhate hai.n

nice poetry

7

Re: sunaa hai log use aa.Nkh bhar ke dekhate hai.n

very Nice. Its a beutiful poem. No Doubt. But the thing is thats its so popular that shaid hi koi ho jis ne ye poem sun na rakhi ho. U get the point.
Anywayz. KeeP sharing. I loved it :)

8

Re: sunaa hai log use aa.Nkh bhar ke dekhate hai.n

Bohut-khoob!

9

Re: sunaa hai log use aa.Nkh bhar ke dekhate hai.n

Thank you for liking:)

10

Re: sunaa hai log use aa.Nkh bhar ke dekhate hai.n


Thank u for the comments sir:) I also agree with your point that it is very popular poem oor shaid hee koi aisa hoo jiss nay issay na sun rakha hoo. By the way my above remarks may not be taken seriously as it was just written by me in a light mode and shared with NJ..........an old companion.:)

11

Re: sunaa hai log use aa.Nkh bhar ke dekhate hai.n


Thank you for liking:)