suna hai...

Arts & Culture Poetry ( Intikhaab & Sho'ra-e-Gupshup)
1

i came across this and really liked it, soo wanted to share

suna hai laug usey aankh bhar keh dekhte hain
so uske shehr main kuch din thehr keh dekhte hain

suna hai dard ki gaahak hai chashm-e-naz uski
so hum bhi iss ki gali se guzar kar dekhte hain

suna hai usko bhi hai sher-o-shairi se shaof
so humbhi muajaze apne hunar ko dekhte hain

suna hai bole to baaton se phool jharte hain
yeh hai to chalo baat kar ke dekhte hain

suna hai din ko isse titliaan sataati hain
suna hai raat ko jugnoo thehar kar dekhte hain

ab isske shehr main thehrain keh kooch karain
faraaz aao sitaare safar keh dekhte hain

** Ahmed Faraz**

2

wah wah wah i luv it :smiley: c’mon dnt u:confused:

3

i luv it too
classic :k:

4

my fav shers out of this, although I love the whole ghazal

suna hay rabt hay uss ko kharaab haaloN say
so apnay aap ko barbaad karkay daikhtay haiN
.
.

suna hay us kay shabistaan say muttasil hay bahisht
makeeN udhar kay bhi jalvay idhar kay daikhtay haiN

rukay to gardishain uska tavaaf karti haiN
chalay to usko zamaanay Thehar kay daikhtay haiN

5

good one!!
can anyone post the whole ghazal?

6

chalain ham hi post kardetay hain :)

sunaa hai log use aa.Nkh bhar ke dekhate hai.n

sunaa hai log use aa.Nkh bhar ke dekhate hai.n
so us ke shahar me.n kuchh din Thahar ke dekhate hai.n

sunaa hai rabt hai us ko Kharaab haalo.n se
so apane aap ko barbaad karake dekhate hai.n

[rabt=closeness/relation]

sunaa hai dard kii gaahak hai chashm-e-naazuk us kii
so ham bhii us kii galii se guzar kar dekhate hai.n

[gaahak=customer]

sunaa hai us ko bhii hai sher-o-shaayarii se shagaf
so ham bhii mojaze apane hunar ke dekhate hai.n

[shagaf=passion]

sunaa hai bole to baato.n se phuul jha.Date hai.n
ye baat hai to chalo baat kar ke dekhate hai.n

sunaa hai raat use chaa.Nd takataa rahataa hai
sitaare baam-e-falak se utar kar dekhate hai.n

sunaa hai hashr hai.n us kii Gazaal sii aa.Nkhe.n
sunaa hai us ko hiran dasht bhar ke dekhate hai.n

sunaa hai din ko use titaliyaa.N sataatii hai.n
sunaa hai raat ko jugnuu Thahar ke dekhate hai.n

sunaa hai raat se ba.Dh kar hai.n kaakule.n us kii
sunaa hai shaam ko saaye guzar ke dekhate hai.n

sunaa hai us kii siyaah chashmagii qayaamat hai
so us ko surmaafarosh aa.Nkh bhar ke dekhate hai.n

sunaa hai us ke labo.n se gulaab jalate hai.n
so ham bahaar par ilzaam dhar ke dekhate hai.n

sunaa hai aa_iinaa tamasaal hai jabii.n us kaa
jo saadaa dil hai.n ban sa.Nvar ke dekhate hai.n

sunaa hai jab se hamaa_il hai.n us kii gardan me.n
mizaaj aur hii laal-o-gauhar ke dekhate hai.n

[hamaail=something to wear around the neck]

sunaa hai chashm-e-tasavvur se dasht-e-imkaan me.n
palang zaave us kii kamar ke dekhate hai.n

[zaave=angles]

sunaa hai us ke badan ke taraash aise hai.n
ke phuul apanii qabaaye.N katar ke dekhate hai.n

vo sarv-qad hai magar be-gul-e-muraad nahii.n
ke us shajar pe shaguufe samar ke dekhate hai.n

[sarv-qad=tall and graceful; shaguufe=bud; samar=fruit]

bas ek nigaah se luTataa hai qaafilaa dil kaa
so rah_ravaan-e-tamannaa bhii Dar ke dekhate hai.n

[rah_ravaa.N=travellers]

sunaa hai us ke shabistaan se muttasil hai bahisht
makiin udhar ke bhii jalve idhar ke dekhate hai.n

[shabistan=bedroom; muttasil=near; makiin=tenant]

ruke to gardishe.n us kaa tavaaf karatii hai.n
chale to us ko zamaane Thahar ke dekhate hai.n

kise nasiib ke be-pairahan use dekhe
kabhii kabhii dar-o-diivaar ghar ke dekhate hai.n

[be-pairahan=without clothes]

kahaaniyaa.N hii.n sahii sab mubaalaGe hii sahii
agar vo Khvaab hai taabiir kar ke dekhate hai.n

[mubaalaGe=beyond one's limits]

ab us ke shahar me.n Thahare.n ki kuuch kar jaaye.N
'Faraz' aao sitaare safar ke dekhate hai.n

Ahmed Faraz

7

Good contribution!

8

bhoot achi ghazal hai :k:

9

omg saari to aur bhi achi hai ,zabardast :k: :k:

10

jabardus:k:

11

bohut ache

12

Aaaah... I luv it... thanks for sharing !

13

:k:
zaberdast choice :slight_smile:

14

wwwahhhhhhhhhh!!!!!!!! bohot khooooooobbbbbbb........ one of my fav!!..... very niceee..........