Subbuk raftaar lamhon ki hadein tarteeb deta hoon.
Sehar ki saansain ginta hoon, shabbein tarteeb deta hoon.
Main aab-e-zarr se likhta hoon tmhara naam shairron mein.
Sunehre lafz bunta hoon tmhein tarteeb deta hoon.
Tmhain sochoon to pehlu se srak jata hay dil mera.
Main dil pe haath rakh kar dharkanein tarteeb deta hoon.
Khizaan nay khushk patton main sadaain baant rakhi hain,
Main in ki sar-saraahat say dhunain tarteeb deta hoon.
Mere logon ki fitrat mein yazeedi wasf shaamil hy.
Wohi mujh ko mitaate hein jinhein tarteeb deta hoon,
** KHAWAB.RUNG**