soz-e-'ishq...with AUDIO

Arts & Culture Poetry ( Intikhaab & Sho'ra-e-Gupshup)
1

salaam dosto,
ummeed hai k mizaaj-e-giraamii ba_Khair hoNge! :slight_smile:

soz-e-'ishq pesh-e-Khidmat hai. mulaaHizah aur samaa’at farmaaiye. sam’a_Kharaashii ke liye mo’aafii kaa Khowaastgaar huN…shukria.

faqat Khaak-e-paa,
_______KKF
**
AUDIO LINK: **soz-e-'ishq…meraa ek kalaam by jhumroo on SoundCloud - Create, record and share your sounds for free

**1.
na maiN ranj huN, na malaal huN, na huN soz-e-'ishq-e-'azaab meN
na miraa jamaal hai dil_shikan jo hai tere vasf-e-Khitaab meN

kabhii huN maiN qatra-e-aarzoo, kabhii huN maiN baHr-e-shabaab-e-hoo
kabhii huN maiN bar sar-e-nah_falak, kabhii tashna zer-e-toraab meN

kabhii raHmatoN kaa nuzool huN, kabhii zulmatoN kaa zahoor huN
nahiiN kuchh Khabar k maiN huN kahaaN tere kaar_saaz-e-Hisaab meN

kabhii Husn meN tiraa saaz hai, kabhii 'ishq meN tiraa naaz hai
kabhii lazzatoN kii hai dil_barii tire mast daab-e-Hobaab meN

kabhii dil meN teraa makaan hai, kabhii 'arsh par terii shaan hai
yeh kise Khabar k hai raaz kia jo chhupaa hai tere Hijaab meN

tujhe chhoR kar terii shaan par mirii aarzoo hai khhiNchii, to kia
mirii hastii, go sanam_aashnaa, sar-e-Kham khaRii hai janaab meN?

teh-e-Khaak tujhko dabaa diyaa hai Khumaar-e-zohd_o_Ghuroor ne
kise, “Saihbaa Jii!”, yeh pataa chalaa k hai kaun mast-e-sharaab meN?**

2

Re: soz-e-'ishq…with AUDIO

**kabhii Husn meN tiraa saaz hai, kabhii 'ishq meN tiraa naaz hai
kabhii lazzatoN kii hai dil_barii tire mast daab-e-Hobaab meN

daab e hobaab =?? :hayaa:**

3

Re: soz-e-'ishq...with AUDIO

daab e Hobaab = hobaab kaa dabaao

4

Re: soz-e-'ishq…with AUDIO

:aap singer nai ban sakte :crying:

5

Re: soz-e-'ishq…with AUDIO

hahahaha…bahot Khoob! vaise, tum ban saktii ho…maiN ne tumko sunaa huaa hai aur ab kaho to maiN tumhaaraa prachaar karnaa shur’uu kar duuN? bannaa hai top kii singer? :slight_smile: :cb:

6

Re: soz-e-'ishq…with AUDIO

still confused. Kia aap ne ye ghazal chacha Ghalib ko sunane ke liye likhi thi? :hmmm:

7

Re: soz-e-'ishq…with AUDIO

lol…kaash! :cb:

shaayad aapko yeh ib’haam lafz-e-“DAAB” ke rivaayatii ma’nii kii vajah se ho rahaa hai…dar_asl ‘DAAB’ ke kaii aur ma’aanii bhii haiN, jo ziyaada muravvij nahiiN haiN, hote haiN jin meN se do mataalib kaa is she’r meN itlaaq hotaa hai…vo do ma’nii yeh haiN:
**

  1. chhaape kaa nishaan [imprint of the block printers]
  2. daraKht yaa paude kii Tehnii jo jaR pakaRne ke liye dabaayii jaatii hai
    **
    ab, aapkaa kuchh ib’haam raf’a huaa?
8

Re: soz-e-'ishq…with AUDIO

:ast: jo hum ne aap ke daab ke istemaal per iss tarah ka gumaan kia ho… lillah aap to gunah gar kie dete hain… Mani o Mafhoom ke liye shukria.. Tasleemaat

9

Re: soz-e-'ishq…with AUDIO

wa’laikum tasleemaat…hahahah…ba_Khudaa ham ne vo gumaan nahiiN kiyaa jo aapne tavassur kiyaa! :cb: u r most welcome.

aapne Sindh meN kabhii ghar meN kisii Khaatoon ko apne saade DupaTTe par lakRii ke chhaape kii madad se naqsheen banaate huye dekhaa hai? mere gaaoN meN maiN ne dekhaa thaa k aurteN chhaapaa kaarii kartii thiiN…ghar ghar chhaapaa Khaana banaa huaa thaa…yeh kaam ziyaada tar rangrez bibiyaayeN kiyaa kartii thiiN.

10

Re: soz-e-'ishq…with AUDIO

My younger sister does that. getting clothes stamped and then doing embroidery on that.

11

Re: soz-e-'ishq...with AUDIO


wow! glad to know that some traditional artwork is still alive N well! :)

12

Re: soz-e-'ishq…with AUDIO

ican do that without stamp:omg:

13

Re: soz-e-'ishq…with AUDIO

Pata hai pata hai.. aap ke parathon ka shape jaan kar hum jaan gae the ke aap kitni sughaR hain :snooty:

14

Re: soz-e-'ishq…with AUDIO

hu meko apny parathe POETRY me lane hi paren geyu:hbk:

15

Re: soz-e-'ishq…with AUDIO

hmmm…to, yahan paraaThe pakaaye aur khilaaye jaa rahe haiN…mujhe ziyaada bhook nahiiN is liye mere liye bas aadhe darjan banaa leN…:cb: