Teri Wazahat Theek Hai, Isey Jhutlaye Koan
Laikin Kashti Ab Darya Mein Daley Koan
Sab Ko Dukh Hai Marney Waley Ka Laikin
Kon Hataye Malba, Lash Nikaley Koan
Sooraj Poojney Walon Ki Is Basti Mein
Moam Ki Chadar Odh K Ghar Sey Nikley Koan
Woh Mansoor Gharana Sab Ney Dekha Hai
Laikin Us Ka Naam Pata Batlaye Koan
Bin Sochey Jo Phool Nagar Ko Chor Gayi
Us Khushboo Ko Logo Ab Apnaye Koan
Deewaron Par Lafze Mohabbat Likhna Hai
Dil Ki Baat Baja Hai Laikin Likhey Koan
Jabar K Is Mausam Mein Sach Kia Khuwab Baney
Ab Mansoor Ki Soorat Dar Par Jaye Koan