Main rang hun to tasweer hai tu,
Alfaaz hun to tehreer hai tu,
Kabhi tapti dhoop kai paaon talay,
Aik saaya si aseer hai tu…
Suraj ki alal takbeer hai tu,
Chandni ki taabeer hai tu,
Meri uljhi hui is duniya ki,
Aik saadi si tafseer hai tu…
Meri sochon sai khabeer hai tu,
Takhayyul ka zameer hai tu,
In ulttee seedhee rahon par,
Mere qadmon ki tadbeer hai tu…
Ameer hai tu, faqeer hai tu,
Har roop main aik akseer hai tu,
Main nai tujh ko itna manga hai,
Kai ab Azam ki taqdeer hai tu…