Us Bazm Main Mujhe Nahin Banti Hayaa Kiye
Baitha Raha Agarche Ishaare Hua Kiye
Dil Hi To Hai Siyasat-E-Darbaan Se Dar Gaya
Main Aur Jaaun Dar Se Tere Bin Sadaa Kiye
Rakhta Phirun Hoon Khirqa-O-Sajjada Rahan-E-Mai
Muddat Hui Hai Daawat-E-Aab-O-Hawa Kiye
Besarfa Hi Guzarti Hai, Ho Garche Umr-E-Khizr
Hazrat Bhi Kal Kahenge Ki Ham Kya Kiya Kiye
Maqdoor Ho To Khaak Se Puchoon Ke Ae Laim
Tune Vo Ganj Haaye Giraan Maaya Kya Kiye
Kis Roz Tohmaten Na Taraasha Kiye Adu
Kis Din Hamaare Sar Pe Na Aare Chalaa Kiye
Sohbat Main Gair Ki Na Padi Ho Kahin Ye Khuu
Dene Laga Hai Bose Bagair Iltija Kiye
Zid Ki Hai Aur Baat Magar Khu Buri Nahin
Bhule Se Us Ne Saikadon Vaade-Wafa Kiye
‘Ghalib’ Tumhin Kaho Ki Milega Jawaab Kya
Maana Ki Tum Kaha Kiye Aur Vo Suna Kiye