**Soey fitney ko jagaaney ka mujhey shaoq nahiN
raat ko deir sey aaney ka mujhey shaoq nahiN
meri aawaaz, meri shak hi kuch aesi hi
warna bach’choN ko daraaney ka mujhey shaoq nahiN
rok sakta hooN buraai ko panapney sey magar
aesei takleef utthaney ka mujhey shaoq nahiN
baat nikli to khuli hey teri aoqaat aey dost
warna ehsaan jataaney ka mujhey shaoq nahiN
pura deewaan suna kar hi tasalli ho gi
aek, do sheir sunaaney ka mujhey shaoq nahiN
fi’zamaana hey isey ‘Art’ ka darja haasil
warna bay’par ki urraney ka mujhey shaoq nahiN
kitney bach’chey heiN, umr kya hey, naam hey kya
itni tafseel meiN jaaney ka mujhey shaoq nahiN
doob marney ko moyassar nahiN paani Rahi
shukr hey roz nahaaney ka mujhey shaoq nahiN!
Azim Rahi
**
… pehley kon si mil jaani theiN 
