Soey Fitnay Ko Jaganay Ka Mujhay Shoq Nahin

Arts & Culture Poetry ( Intikhaab & Sho'ra-e-Gupshup)
1

**Soey Fitnay Ko Jaganay Ka Mujhay Shoq Nahin,
Raat Ko Dair Say Aanay K Mujhay Shoq Nahin !

Sar Jhuka’ay Huay Baitha Hun Main Begum K Huzoor,
Khamakhan’ Rob Jamanay Ka Mujhay Shoq Nahin !

Meri Awaz, Meri Shakl Hi Kuch Aaisi Hai,
Warna Bach’chon ko Daranay Ka Mujhay Shoq Nahin !

Rok Sakta Hun Burai Ko Panapnay Say Magar,
Aaisi Takleef Uthanay Ka Mujhay Shoq Nahin !

Baat Nikli To Khuli Hai Teri Auqaat Aay Dost,
Warna Ahsaan Jatanay Ka Mujhay Shoq Nahin !

Pura Deewan Suna Ker Hi Tasalli Hogi,
Aik Do Shair Sunanay Ka Mujhay Shoq Nahin !

Fe-Zamana Hai Isay “Art” Ka Darja Haasil,
Warna Bay Par Ki Uranay Ka Mujhay Shoq Nahin !

Kitnay Bach’chay Hain Meray, Umr Hai Kia, Naam Hai Kia,
Itni Tafseel Mein Janay Ka Mujhay Shoq Nahin !

Doob Marnay Ko Mayassar Nahin Paani Rahi,
Shukr Hai Roz Nahanay Ka Mujhay Shoq Nahin !**

2

Re: Soey Fitnay Ko Jaganay Ka Mujhay Shoq Nahin

:rotfl:

3

Re: Soey Fitnay Ko Jaganay Ka Mujhay Shoq Nahin

:omg:

Very good sharing

4

Re: Soey Fitnay Ko Jaganay Ka Mujhay Shoq Nahin

Soey Fitnay Ko Jaganay Ka Mujhay Shoq Nahin,
Raat Ko Dair Say Aanay K Mujhay Shoq Nahin !

mujhay to shouq hay :cobra:

5

Re: Soey Fitnay Ko Jaganay Ka Mujhay Shoq Nahin

tubhi sirf din mai GS pe nazar aatey hain :hoonh:

6

Re: Soey Fitnay Ko Jaganay Ka Mujhay Shoq Nahin

Aagr Raat ko dair sy aa`ny ka shoq hy Aapko to…
Fitnay sy Aap hi ko 2-2 hath krny paryn gay