sochta huuN ke mahfuuz kar luuN ise apne siine men lafz or bayaaN kii tarah
thoRii hii der meN yeh mulaaqaat bhii Khatm ho jaayegi daastaaN kii tarah
yeh rafaqat bahut mukhtasar hai miri hamsafar laa maire haath meiN haath de
tuu hava-e-sar-e-rahguzar ki tarah, main kisi nakhat e raygan ki tarah
haal zaalim shikari ki suurat mujhe, waqt ki zin se baandh kar le chala
mera maazii mire saath chaltaa rahaa duur tak ek majbuur maa kii tarah
sang-e-azar kii barishen tez thin, aur bachne ka koi tariqa na tha
raftaa raftaa sabhii ne saron par koi be hisi taan li sayban ki tarah
Khowiashon ke samandar se ek mauj uthi aur sail e bala Khez banti gay
jism kashtii kii maanind ulaTne lage, pairahan uR gaye baadbaaN kii tarah
itni baRi behr.. doosri line paRhte paRthe pehli line bhool jati hai