Tu ne jis waqt ye insaan banaya ya RAB,
Us gharri mujh koTou ik aankh na bhaya yaRAB.
Is liye main ne sar apna na jhukaya yaRAB.
Lekin ab palti hai kuch aisi hi kaya yaRAB,
Aqalmandi hai isi mein ke main toba karloon,
Sochta hon k ab Insaan ko sajda karlon.
Ibtada mein thi bohat narm tabiyat is ki,
qalb-o-jan pak thay,shaffaf thi teenat iski,
Phir ba tadreej badalne lagi khasalat is ki,
Ab tou khud mujh pe musallat hai shararat is ki,
Iss se pehle ke main apna hi tamasha kar loon,
Sochta hon ke ab Insaan ko sajda kar loon.
Bhar dia bhala kon sa fitna TU ne,
pakta rehta hai hamesha koi lava iss mein,
Aik ik saans hai ab surate shola iss mein,
Aag mojood thi kya mujh se bhi ziada iss mein?
Apna aatish kadae zaat hi thanda kar loon,
Sochta hon ke ab insaan ko sajda kar loon.
Ab tou ye khoon ke bhi rishton se akarrr jata hai,
Baap se,bhai se,bete se bhi larr jata hai,
Jab kabhi tesh mein hatthe se ukharr jata hai,
Khud mere shar ka tawazun bhi bigarr jata hai,
Ab tou lazim hai ke main khud ko hi seedha kar loon,
Sochta hoon k ab insaan ko sajda kar loon.
Kuch jhijakta hai,na darta hai na sharmata hai,
Nit nai fitna gari roz hi dikhlata hai,
Ab ye zalim mere behkawe mein kab aata hai,
Main bura sochta hon ye kar jata hai,
Kia ab iss ki muridi ka irada kar loon ?
SOCHTA HOON KE AB INSAAN KO SAJDA KAR LOON.
Restored attachments:
