***Sochta hon usay neend bhi aati ho gi
Ya meri tarha faqat ashq bahati ho gi
Wo meri shakal mera naam tak bhulanay wali
Apni tasweer se kya aankh milati ho gi
Is Zameen per bhi hai sailab mere ashkon se
Mere matam ki sada arsh bhi hilati ho gi
Shaam hotay hi wo chookhat per jala kar shammain
Apni palkon pay kai khawab sajati ho gi
Dil ki masoom raghain or bhi sulagti hon gi
Jaun hi tasveer ka kona wo jalati ho gi
Hoti ho gi mere pyar ki talab main pagal
Jaun hi zulfon main koi phool sajati ho gi
Us nain silwa bhi liya ho ga siya(Black) rung libas
Ab muharram ki tarha eid manati ho gi
Roop day kar us main mujhe kisi shahzaday ka
Apnay bacchon ko kahani wo sunati ho gi***