Aek puraani nazm aaj nazroN sey guzri to socha ke is ka kuch hissa aap logoN ke saath phir sey share karooN
Soch-dar-soch
**Soch-dar-soch kisi ehsaas ka gehra-pan
jis ki koi wajaa hey na soorat hey na naam koi
dil ke aaNgan meiN yuN dhooni ramaaey beittha hey
ke ab to rooh sey nikalney waali cheekheiN bhi
is ke inhimaak meiN koi khalal nahi laaney paateiN!
…
Zeest ke sookhey huwey peirroN ki aab-yaari karey
dil ke tarrapttey huwey jazboN ki timaar-daari karey
wo to kho gaya jo nighaahoN meiN shifa rakhta tha
ab kon hey jo merey zakhmoN ki pewand-kaari karey!
soch-dar-soch yehi ehsaas hey aur is ka gehra-pan!
Teer’gi hey ke tishnigi hey ke na’jaaney kya hey!
be’kasi hey ke be’basi hey ke na’jaaney kya hey!
ba’naam-e-hayaat jo qismat ney merey naam likha
wo zindagi hey ke shikastagi hey ke na’jaaney kya hey!
soch-dar-soch yehi ehsaas hey aur is ka gehra-pan…!
**Teer'gi hey ke tishnigi hey ke na'jaaney kya hey!**
**be'kasi hey ke be'basi hey ke na'jaaney kya hey!**
**ba'naam-e-hayaat jo qismat ney merey naam likha**
**wo zindagi hey ke shikastagi hey ke na'jaaney kya hey!**
**soch-dar-soch yehi ehsaas hey aur is ka gehra-pan...!**
beauty-ful Aymal ap ki har tahreer he khobsurat hoti k alfaaz kho jatey....auR lafzoon ki tarteeb nahi milti ap ki tahreer ko sarhanay ki :)
Zeest ke sookhey huwey peirroN ki aab-yaari kareydil ke tarrapttey huwey jazboN ki timaar-daari kareywo to kho gaya jo nighaahoN meiN shifa rakhta thaab kon hey jo merey zakhmoN ki pewand-kaari karey!soch-dar-soch yehi ehsaas hey aur is ka gehra-pan!
NikamiJi ab hameiN Hajmoola khaana parrey ga. Wesey ye script likha kis ney tha?
Azbar ho gai heiN to kiuN na aap ka imtehaan ley liya jaey :~) Naya kuch likheiN ge to haazir-e-khidmat kar deiN ge, fil-haal to isi sey guzaara kijeeye, wesey doosrey log bohat nai, nai poetry post kar rahey heiN, un sey bhi istifaada kijeeye na
sunny_nicky, jhansi ki rani, reet and Anwaar Qureshi, nazm pasand karne ke leeye be’had shukriya :)----------------
