Chehray Pe Meray Zulf Ko Phailao Kisi Din
Kiya Roz Garajtay Ho Baras Jao Kisi Din
Raazon Ki Tarah Utro Meray Dil Mein Kisi Shab
Dastak Pe Meray Hath Ki Khul Jao Kisi Din
Pai`ron Ki Tarah Husn Ki Baarish Mein Naha Lon
Badal Ki Tarah Jhoom K Ghar Aao Kisi Din
Khushboo Ki Tarah Guzro Meray Dil Ki Gali Se
Phoolon Ki Tarah Mujh Pe Bikhar Jao Kisi Din
Phir Haath Ki Kairat Milay Band Quba Ko
Phir Lutf-e-Shab-e-Wisl Ko Dohrao Kisi Din
Guzrein Jo Meray Ghar Se To Rukh Jaien Sitaray
Is Tarah Meri Raat Ko Chamkao Kisi Din
Mein Apni Har Saans Usi Raat Ko De Don
Sir Rakh K Meray Seenay Pe So Jao Kisi Din
** -=EnD=-
(Amjad Islam Amjad) **