Aik Ghazal,
Raat Ko Rotay Kion Rehtay Ho
Din Bhar Sotay Kion Rehtay Ho
Gheron Jesa Lehja Kion Hai
Ukhray Ukhray Kion Rehtay Ho
Apne Yaaron Se Bhi Aakhir
Roothay Roothay Kion Rehtay Ho
Tum Ko Bolo Uljhan Kia Hai
Uljhay Uljhay Kion Rehtay Ho
Kehtay Kuch Ho, Kertay Kuch Ho
Behkay Behkay Kion Rehtay Ho
Tum To Hans’mukh Logon Main Ho
Chup Chup Bethay Kion Rehtay Ho
Tum Ko Kis Se Kia Khatra Hai
Sehmay Sehmay Kion Rehtay Ho
Dukh Sukh Kis Ke Saath Nahi Hai
Na’Haq Kurhtay Kion Rehtay Ho
Apne Dukh Ki Raam Kahani
Sab Se Kehtay Kion Rehtay Ho
Kia Tum Bhi Dil Kho Bethay Ho
Khoye Khoye Kion Rehtay Ho
Jo Bhi Ho Sir Ooncha Rakho
Simtay Simtay Kion Rehtay Ho
Umeed Hai Aap Logon Ko Pasand Aye Gi..
Regards,