Lets dedicate this thread to Faiz Ahmed Faiz. Post your favorite poetry of Faiz, here.
http://www.paklinks.com/gsmedia/files/54200/faiz.JPG
Restored attachments:
re: Simply Faiz (Poet of the Month)
bol ki lab aazaad hain tere
bol zabaaN ab tak terii hai
teraa sutawaaN jism hai teraa
bol ki jaaN ab tak terii hai
dekh ke aahangar kii dukaa.N me.n
tund hain shole surKh hai aahan
khulane lage quffalon ke dahaane
phailaa har ek zanjiir kaa daaman
bol ye thoraa waqt bahot hai
jism-o-zabaan kii maut se pahale
bol ki sach zindaa hai ab tak
bol jo kuchh kahane hai kah le
re: Simply Faiz (Poet of the Month)
raaz-e-ulfat chhupaa ke dekh liyaa
dil bahot kuchh jalaa ke dekh liyaa
aur kyaa dekhane ko baaqii hai
aap se dil laga ke dekh liyaa
wo mere hoke bhii mere na hue
unako apanaa banaa ke dekh liyaa
aaj unakii nazar me.n kuchh hamane
sabakii nazare.n bachaa ke dekh liyaa
'Faiz', taqmiil-e-Gam bhii ho na sakii
ishq ko aazamaa ke dekh liyaa
*The following sher is found in earlier editions of naqshe-fariyadi. *
aas us dar se TuuTatii hii nahii.n
jaa ke dekhaa, na jaa ke dekh liyaa
Re: Simply Faiz (Poet of the Month)
mere dil mere musafir
hua phir se hukm sadir
k watan badar hon hum tum
dein gali gali sadayen
karen rukh nagar nagar ka
k surag koi payen
kisi yar-e-namabar ka
har ek ajnabi se puchen
jo pata tha apne ghar ka
sar-e-ku-e-nashanayan
hamain din se rat karna
kabhi is se bat karna
kabhi us se bat karna
tumhen kya kahun k kya hai
shab-e-gam buri bala hai
hamain ye bhi tha ganimat
jo koi shumar hota
hamain kya bura tha marna
agar ek bar hota
Re: Simply Faiz (Poet of the Month)
mujh se pahalii sii mohabbat merii mahabuub na maa.Ng
mai.n ne samajhaa thaa ki tuu hai to daraKhshaa.N hai hayaat
teraa Gam hai to Gam-e-dahar kaa jhaga.Daa kyaa hai
terii suurat se hai aalam me.n bahaaro.n ko sabaat
terii aa.Nkho.n ke sivaa duniyaa me.n rakkhaa kyaa hai
tuu jo mil jaaye to taqadiir niguu.N ho jaaye
yuu.N na thaa mai.n ne faqat chaahaa thaa yuu.N ho jaaye
aur bhii dukh hai.n zamaane me.n mohabbat ke sivaa
raahate.n aur bhii hai.n vasl kii raahat ke sivaa
mujh se pahalii sii mohabbat merii mahabuub na maa.Ng
anaginat sadiyo.n ke taariik bahimaanaa talism
resham-o-atalas-o-kam_Khvaab me.n bunavaaye huye
jaa-ba-jaa bikate huye kuuchaa-o-baazaar me.n jism
Khaak me.n litha.De huye Khuun me.n nahalaaye huye
jism nikale huye amaraaz ke tannuuro.n se
piip bahatii hu_ii galate huye naasuuro.n se
lauT jaatii hai udhar ko bhii nazar kyaa kiije
ab bhii dil_kash hai teraa husn maGar kyaa kiije
aur bhii dukh hai.n zamaane me.n mohabbat ke sivaa
raahate.n aur bhii hai.n vasl kii raahat ke sivaa
mujh se pahalii sii mohabbat merii mahabuub na maa.Ng
Faiz Sahib ka Lajawab kalam jisay Noor Jehan nay apni awaz say ammar bana diya.
Re: Simply Faiz (Poet of the Month)
^:k:
Re: Simply Faiz (Poet of the Month)
ہم کہ ٹھرے اجنبی اتنی ملاقاتوں کے بعد
پھر بنیں گے آشنا کتنی مداراتوں کے بعد
کب نظر میں آئے گی بے داغ سبزے کی بہار
خون کے دھبُے دھلیں گے کتنی برساتوں کے بعد
تھے بہت بے درد لمحے ختمِ دردِ عشق کے
تھیں بہت بے مہر صبحیں مہرباں راتوں کے بعد
دل تو چاہا پر شکستِ دل نے مہلت ہی نہ دی
کچھ گلے شکوے بھی کر لیتے مناجاتوں کے بعد
ان سے جو کہنے گئے تھے فیض جاں صدقہ کئے
اَن کہی ہی رہ گئ وہ بات سب باتوں کے بعد
Re: Simply Faiz (Poet of the Month)
beautiful sharing everyone :k:
Re: Simply Faiz (Poet of the Month)
I was just going to post this one. Mehdi Hasan amazingly sung this ghazal. Faisal Latif also did justification to this beautiful ghazal.
Re: Simply Faiz (Poet of the Month)
Faiz Ahmad Faiz: The Last Mushiarah
Re: Simply Faiz (Poet of the Month)
Main ne sirf Mehdi hasan ki awaz main suni hoi thi ye ghazal. Faisal Latif ki awaz main bhi behtareen lag rahi hai. Share karny ke liye shukariya bhai :)
Re: Simply Faiz (Poet of the Month)
shakhon main khayalon ki ghany peR ki shaed
ab aa ke karay ga na koi khawab basaira
:k:
betareen sharing :k:
Re: Simply Faiz (Poet of the Month)
This Nazm was also used in PTV Dramas ‘Dhoop Kinare’ and ‘Kasak’
(Watch from 8:25)Re: Simply Faiz (Poet of the Month)
nisar main teri galiyon k ae watan, k jahan
chali hai rasm k koi na sar utha k chale
jo koi chahanewala tawaf ko nikle
nazar chura k chale, jism-o-jan bacha k chale
hai ahl-e-dil k liye ab ye nazm-e-bast-o-kushad
k sang-o-khisht muqayyad hain aur sag azad
bahot hain zulm k dast-e-bahana-ju k liye
jo chand ahl-e-junun tere nam leva hain
bane hain ahl-e-hawas muddai bhi, munsif bhi
kise wakil karen, kis se munsifi chahen
magar guzarane walon k din guzarte hain
tere firaq main yun subh-o-sham karae hain
bujha jo rauzan-e-zindan to dil ye samajha hai
k teri mang sitaron se bhar gai hogi
chamak uthe hain salasil to hamne jana hai
k ab sahar tere rukh par bikhar gai hogi
garaz tasavvur-e-sham-o-sahar main jite hain
giraft-e-saya-e-diwar-o-dar main jite hain
yun hi hamesha ulajhti rahi hai zulm se khalq
na unki rasm nai hai, na apani reet nai
yun hi hamesha khilaye hain hamne aag main phul
na unki haar nai hai na apni jeet nai
isi sabab se falak ka gila nahin karte
tere firaq main ham dil bura nahin karte
gar aj tujhse juda hain to kal baham honge
ye rat bhar ki judai to koi bat nahin
gar aj auj pe hai tala-e-raqib to kya
ye char din ki khudai to koi bat nahin
jo tujhase ahd-e-wafa ustavar rakhte hain
ilaj-e-gardish-e-lail-o-nihar rakhte hain
Re: Simply Faiz (Poet of the Month)
Yeah surething ..it's simply faiz..
Re: Simply Faiz (Poet of the Month)
mataa--e-loh-o-qalam chhin gaee to kya ghum hai,
keh khoon-e-dil mai dubo li hain ungliyan main ne,
zuban pe mohr lagi hai to kya,
keh rakh di hai har ik halqa-e-zanjeer main zuban main ne
Re: Simply Faiz (Poet of the Month)
**Gar mujhe isska yaqeen ho, mairay humdam, mairay dost
**gar mujhe isska yaqeen ho ke tairay dil ki thakan
**tairi aankhon ki udaasi, tairay seenay ki jalan
**mairi dil-joi, mairay pyar se mit jaegi
**gar maira harf-e-tassalli voh dava ho jis se
**ji uthay phir taira ujraa hua be-noor demagh
**tairi pe-shani se dhul jaen ge tazleel kay daagh
**tairi bemaar javani ko shifa hojae..
**gar mujhe isska yaqeen ho , mairay humdam , mairay dost
**Rooz-o-shab, sham-o-sehar, main tujhay behlaata rahoon
**main tujhay geet sunata rahoon, halkay, sheereen
**aabsharon ge, baharon ke, chaman-zaroon kay geet
**aamad-e-subh kay, mehtaab kay, sayyaron kay geet
**tujh se main husn-o-muhabbat ki hikayaat kahoon
**gar mujhe isska yaqeen ho, mairay humdam, mairay dost
**Kaisay magroor haseenaon ke barfaab se jism
**gar muhabbat ki hararat se pighal jaatay hain..
**kaisay aik chehray kay thehray hue manoos nakoosh
**dekhtay dekhtay yak-lakht badal jaatay hain…
**kis tarhan aariz-e-mehboob ka shaffaf be-loor
**yak-bayak baad-e-ehmar se dehak jaata hai
**kaisay gul-cheen ke liye jhukti hai khud shakh-e-gulaab
**kis tarhan raat ka aaivan mehak jata hai
**yunhi gata rahoon , gata rahoon, tairi khatir
**geet bunta rahoon, betha rahoon, tairi khatir
**par..mairay geet tairay dukh ka madava hi nahi
**naghma jarta nahi, monas-o-gham-khoar sahi
**geet nishtar tu nahi, marham-e-azaar sahi, tairay aazar ka
**tairay azaar ka chara nahi
**nishtar kay siva aur yeh saffak maseeha, mairay qabzay main nahi
**iss jahan ke kisi ze-roh kay qabzay main nahi **haan magar tairay siva, tairay siva, tairay siva…
Re: Simply Faiz (Poet of the Month)
hum jo tareek rahooN maiN maarey gaey
tere hooToon ke pholooN ki chhaht maiN hum
daar ki Khushk Tehnee pay varey gaey
tere hathooN ki shamooN ki hasrat maiN hum
neem tareek raahooN maiN maarey gaey
sooliyooN par humarey labooN se parey
tere hooTooN ki lalee lapaktee rahee
teri zulfooN ki masti barastee rahee
tere haathooN ki chandee damaktee rahee
jab khulee teri raahooN maiN shaam-e-sitam
hum chaley aaey jahaaN tak laey qadam
lab pay harf-e-Ghazal, dil maiN qindeel-e-Ghum
apna Ghum tha, gavahee tere husn ki
dekh! qaim rahey is gavahee pay hum
hum jo tareek raahooN maiN maarey gaey
naarsai agai apni taqdeer thee
teri ulfat to apni he tadbeer thee
kisko shikva hai agar shouq ke silsiley
hijr ki qatal_gahooN se sab ja miley
qatal_gahooN se chun kar humarey alum
aur niklaiN gaiN usshaq ke qafley
jin ki raah-e-talab se humarey qadam
muKhtasar kar chaley dard ke fasley
kar chaley jin ki Khatir jahaaN_geer hum
jaaN gaNva ke teri dilbaree ka bharam
hum jo tareek rahooN main marey gaey
hum jo tareek rahooN main marey gaey
hum jo tareek rahooN main marey gaey
hum jo tareek rahooN main marey gaey