Silsiley yeh bhi ajeeb hote hain

Arts & Culture Poetry ( Intikhaab & Sho'ra-e-Gupshup)
1

Silsiley yeh bhi ajeeb hote hain

Ghum unko bhi naseeb hote hain
Log jo khush naseeb hote hain

Hota hai ek hi koi apna
Warna saarey raqeeb hote hain

Daulat-e-zindagi ki khuwaish hai
Log kitne ghareeb hote hain

Zakhm hum ko jo atta kerte hain
Wohi dil ke tabeeb hote hain

Hum ko dushman samajh rahe hain wohi
Jo humare habeeb hote hain

Dilon mein dard chupaney waley
Khowahishon k saleeb hote hain

Ishq main mar ke bhi fana na hue
Silsiley yeh bhi ajeeb hote hain