Guzishta shab meiN ne ek restaurant maiN ek darmiyani umar ke shakhs ko lambi lambi aahain bharte dekha to us se poocha “Kya baat he, aaj tum bare udaas udaas nazar ate ho?”
Us shakhs ne ek sard aah bhari aur bola “Aaj se theek bees saal pahle meiN ne apne wakeel se daryaft kia tha ke agar meiN apni biwi ko qatal kardooN to mujhe kitni saza milaigee–us ne hisaab laga kar bataya tha ke naik chal chalni aur ache ikhlaaq ki bina par saza ka kuch arsa muaaf hojane ke baad mujhe jail maiN taqreeban bees saal guzarna parainge”
Us ke mouN se ek aur aah nikli aur vo baal nochta huwa bola “Zara tasawur karo is baat ka…agar meiN ne thori si himmat se kaam liya hota to aaj ke din mujhe jail se rihayi mil rahi hoti…”