Shukar (Gratitude,thanks & gratefulness)
Insaan apni zindagi mey bohat sey nashaib-o-faraz sey guzarta hey. khabi yeh kamal ki bulandiaon tuk ja puhanchta hey to khabi yeh zawaal ki gehraaion tuk ja puhanchta hey…saaari zindagi woh in do intahaaon key dermaiaan safar kerta rehta hey aur jis raastey per woh safar kerta hey woh shukar ka hota hey ya na shukri ka.
insaan teen raastoan per safar kerta hey:
1.)kuch khush qismat hotey hein woh zawal ki taraf jaein ya kamal ki taraf, woh sirf shukar kertey hein
2.) kuch aesey hotey hein jo sirf na-shukri key raastey per safar kertey hein, chahey woh woh zawal hasil karein ya kamal
3.) kuch aesey hotey hein jo in donaon raastoan per safar kertey hein jub kamal aaya to shukar ada kerliya aur jub zawal aaya to na shukri kerli
insaan Allah Pa’ak ki un ginit mahklooq mey sey aik makhlooq hey. Ashraf-ul-makhlooqaat hey magar mahklooq hi hey woh apney KHALIQ per koi huq nahin rahkta sirif farz rahkta hey.woh zameen per aesey kisi track record key saath nahin utara gaya key woh Allah Pa’ak sey kisi bhi cheez ko apna huq samhj ker mutaalba kar sakey magar us key bawajood us per Allah Pa’ak ney apni rehmat ka aaghaaz janat sey kia ,us per naemataon ki baarish kerdi gai aur us sab key budley sirf aik cheez ka mutalba kia gaya ‘shukar’ka
kia mehsoos kertey hein aap? agar aap spni zindagi mey kisi per koi ehsaan karein aur woh shauks (aadmi) us ehsaan ko yaad rahkney aur aap ka ehsaan mund honey key bajaey aap ko un muwaqoan (situations) ki yaad dilaaey jub aap ney us per koi ehsaan nahin kia tha ya aap ko yeh jitaaey(to cause to b known) key aap ka yeh ehsaan us key liyeh kafi nahin tha agar aap us key liyeh’ yeh kerdey tey’ ya 'woh kerdey tey’to woh ziada khush hota- kia karein gey aap aesey shaukhs(aadmi) key saath??? doobara ehsaan kerna to aik taraf ,aap to shayad us sey taaluk tuk rahkna pasand na karein…hum Allah Pa’ak key saath yehi kertey hein…Us(SWT) ki naematoan aur rehmataon per Us(SWT) ka shukar ada kerney key bajaey hum un cheezoan key na milney per kuurhtey(to grieve) rehtey hein 'jinhein hum hasil kerna chahtey hein.Allah Pa’ak phir bhi Raheem hein, Woh(SWT) hum per apni naematein nazil kertey rehtey hein. un ki taa’daad mey humarey aamaal key mutabiq kami beshi kertey rehtey hein magar un ka silsila khabi bhi mukamal tor per munqata nahin kertey.
aur wesey bhi shukar ada na kerna aik beemari hoti hey aesi beemari jo humarey diloan ko roz baroz kashaadgi sey tangi ki taraf leyjati hey jo humari zubaan per shikwa key ilawa aur kuch aaney hi nahin deyti.agar humey Allah Pa’ak ka shukar ada kerney ki aadat na ho to insaanoan ka bhi shukar ada kerney ki bhi aadat nahin perhti.agar hum Khaliq-e-qaainaat key ehsaanaat ko yaad rahkney ki aadat na ho to hum kisi makhlooq key ehsaan ko bhi yaad rakhney ki aadat nahin seekh saktey…
aur ab kuch un logoan key liyeh jo adha perh ker direct end mey aagaein hein key agar aap perh leytey to bohat acha tha… jahan aap apna bohat sara waqt doosri threads ko deydeytey hein thora sa yahan bhi lag jata to kuch nahin hota
Allah humey naik taufeeq dey ameen sum ameen
