Ujaar lamhoon ki daastanain jo tum kaho tu sunayain tum ko
Bahut sa hum jaag chuke hain chalo zara jagayain tum ko
Tum hi ho jo roshni si ban kar hamari aankhoon mein aa basay ho
Jab apni ankhain hi keh diya hai tu phir bhala kyon rulayain tum ko
Ghubar aalood rastoon mein talash kar kar ke thak gaye hain
Kahaan pe ja kar basay ho kahan se hum dhoond layain tum ko
Tumhein tu sukh aagaye muyassar tumhein tu hum yaad nahee
Magar yeh batao hum jo chahain tu kis tarah bhulayain tum ko
Kaho ke Jazib jhoot hai na ke tum ne us ko bhula diya hai
Abhi talak jis ki shookh yaadain har ek lamha sataayain tum ko …