mere gham ki dawa nahi koi
jo lagey ab dua nahi koi
khud nasheman jala dia main ne
ab kisi se gila nahi koi
waqat kiska habeeb hota hai
har koi bud naseeb hota hai
darbadar mujhko kar dia aaisey
karwaan he mila nahi koi
sochta hoon ke kia kami ki thi
khoone dil de ke jisko seecha tha
us gulistaan main sirf khaar khiley
phool mujhse khila nahi koi
rooz peeta hoon zindagi ka zaher
maut ko rooz yaad karta hoon
dil dharak ta hai saans jaari hai
jeene ka huasla nahi koi
mujhko manzil dikha dia lakin
be sahara he kar dia tum ne
raaston main hain manzilon ke nishan
per mera rahnuma nahi koi
gham ka shikwa bhi kiya karon koi
gham to ik zindagi ka pehlu hai
bas shikyat hai sab mila lakin
aashna he mila nahi koi