Apney seeney sey lagaye howey umeed ki laash
Mudatoon zeest ko nashaad kiya ha mein ney
Toney to aik hi sadmey sey kya tha doochar
Dil ko her tarah sey berbad kiya ha mein ney
Jab bhi rehoon mein nazar aye hareri malboos
Serd aahoon mein tujhay yaad kiya ha main ney
Aur ab jab key meri rooh ki pehnai mein
Ek sunsan si maghmoom ghata chai ha
To damktey howey aariz ki shuaaeein le ker
Gul shada shameein jalaney ko chali ayi ha
Meri mehboob,yeh hangama tajdeed-I-wafa
Meri ufsurda jawani key liye raas naheen
Mein ney jo phool chuney they tery qadmoon key liye
Unka dhundala sa tasuwar bhi mery pass naheen
Aik yakh-basta udasi ha dil o jaan pay muheet
Ab meri rooh mein baaqi ha na umeed na joosh
Rah gaya dab key garaan bar-I- silasil key taley
Meri darmanda jawani ki umangoon ka khirosh
Reeg zaroon mein bagaoloon ki siwa kuch bhi naheen
Saya abr-I-garezaan sey mujhay kiya leena
Bujh chukey hein mery seeney mein muhabbat key kanewal
Ab tery husn-I-pasheemaan sey mujhay kiya leena
Tery aariz pey yeh dhaljey howey seemein aansoo
Meri afsurdigi-I-gham ka mudawa to naheen
Meri mehboob nighahoon ka peegham-I-tajdeed
Ek talafi hi sahi __________ meri tamana to naheen
in my dreams i was drowning my sorrows , but my sorrows learned to swim