sheb-e-tenhai main sitaron ka labadeh orhehay
teri yaadon k jugnou say chameknay lagtay hain
aur dil pay cha jata hay khood ferebi ka aisa aalam
k her taref teri hi aamed ka saman hota hay
jaisay kisi aawaz k dhokay main koi murh ker daikhay
jaisay sehra main serabon ka gumaan hota hay
sheb-e-tenhai main dil k nehal khanon per
guzray lemhon ki shabnam si perhnay lagti hay
aur meray hawas per tu ho jati hay qabiz aisay
k nazer baisakheta nikelti hay justejou main teri
jaisay chand kisi ko dhoundenay k liyai nikelta hay
jaisay koi becha kisi khilonay k liyai mechelta hay
sheb-e-tenhai main baichainion k aalam main
dil apnay aap say hi bar bar ulejheta hay
aur azietain is terah ho jati hain ghalib mujh per
k derd ka toufan her rug main dorh jata hay
jaisay mojain sahilon ki hedain torheti hain
jaisay dherhkenain dilon ka sath chorheti hain
sheb-e-tenhai main aadet teri khoushbouon ki
dil-e-nakam ko kuch aur satanay lagti hain
tub dhoundenay lagta hoon her sou aanchal tera
aur baiqerari main youn rahet si milnay lagti hay
jaisay koi muflis zer k khawab say behal jata hay
jaisay koi mernay say pehlay zera dair ko senbhel jata hay
sheb-e-tenhai main mosam teri rafaqet k
ghup andhairon main ujalay say bikhair daitay hain
ghum-e-firaq ki chader ko cheer daitay hain
aur dil aik lemhay ko ho jata hay szhadab aisay
jaisay chand ka aqes kisi jheel main uter jata hay
jaisay koi sookha pairh sebez peton say bher jata hay