shayari hi shayari...........

Arts & Culture Poetry ( Intikhaab & Sho'ra-e-Gupshup)
1

dariyaa-e-ashk chashm se jis aan bah gayaa
sun liijiyo ke arsh kaa aivaan bah gayaa

[aan = moment; arsh = heaven; aivaan = palace]

zaahid sharaab piine se kaafir huaa mai.n kyuu.N
kyaa De.Dh chulluu paanii me.n imaan bah gayaa

yuu.N roye phuuT phuuT ke paa.Nvo.n ke aabale
naalaa saa ek suu-e-biyaabaan bah gayaa

[aabale = blisters; naalaa = cry]

kashtii savaar-e-umr huu.N bahr-e-fanaa me.n mai.n
jis dam bahaa ke le gayaa tuufaan bah gayaa

thaa ‘Zauq’ pahale dillii me.n panjaab kaa saa husn
par ab vo paanii kahate hai.n multaan bah gayaa

poet:zouq

2

Re: shayari hi shayari...........

aadamii aadamii se milataa hai
dil magar kam kisii se milataa hai

bhuul jaataa huu.N mai.n sitam us ke
vo kuchh is saadagii se milataa hai

aaj kyaa baat hai ke phuulo.n kaa
rang terii ha.Nsii se milataa hai

mil ke bhii jo kabhii nahii.n milataa
TuuT kar dil usii se milataa hai

kaar-o-baar-e-jahaa.N sa.Nvarate hai.n
hosh jab beKhudii se milataa hai

Poet: Jigar Moradabadi

Female Perspective(seriously)
3

Re: shayari hi shayari...........

aa chaa.Ndanii bhii merii tarah jaag rahii hai
palako.n pe sitaaro.n ko liye raat kha.Dii hai

ye baat ki suurat ke bhale dil ke bure ho.n
allaah kare jhuuTh ho bahuto.n se suunii hai

vo maathe kaa matalaa ho ki ho.nTho.n ke do misare
bachapan kii Gazal hii merii mahabuub rahii hai

Gazalo.n ne vahii.n zulfo.n ke phailaa diye saaye
jin raaho.n pe dekhaa hai bahut dhuup ka.Dii hai

ham dillii bhii ho aaye hai.n laahaur bhii ghume
ai yaar magar terii galii terii galii hai

[laahaur = Lahore]

Poet: Bashir Badr

4

Re: shayari hi shayari...........

aa ke patthar to mere sahan me.n do-chaar gire
jitane us pe.D ke phal the pas-e-diivaar gire

[sahan = courtyard; pas-e-diivaar = other side of the wall]

mujhe giranaa hai to apane hii qadamo.n me.n giruu.N
jis tarah saayaa-e-diivaar pe diivaar gire

[saayaa-e-diivaar = wall's shadow]

tiiragii chho.D gaye dil me.n ujaale ke Khutuut
ye sitaare mere ghar TuuT ke bekaar gire

[tiiragii = darkness; Khutuut = letters]

dekh kar apane dar-o-baam laraz uThataa huu.N
mere ham_saaye me.n jab bhii ko_ii diivaar gire

[dar-o-baam = walls and roofs; laraz = tremble]
[ham_saaye = neighbourhood]

vaqt kii Dor Khudaa jaane kahaa.N se TuuTe
kis gha.Dii sar pe ye laTakii hu_ii talvaar gire

[Dor = string]

ham se Takaraa ga_ii Khud ba.Dh ke andhere kii chaTTaan
ham sambhal_kar jo bahut chalate the naachaar gire

kyaa kahuu.N diidaa-e-tar ye to meraa cheharaa hai
sang kaT jaate hai.n baarish kii jahaa.N dhaar gire

[diidaa-e-tar = tear filled eyes; sang = stone]

dekhate kyaa ho 'Shakeb' itanii bulandii kii taraf
na uThaayaa karo sar ko ki ye dastaar gire

[bulandii = height; dastaar = truban]

Poet: Shakeb Jalali

5

Re: shayari hi shayari…

**Khariat kuch jaldi hay kia ???

Yeh Noon Alf Bay Pay wala hay Ya Dopahar wala hay :what: ???

… **

6

Re: shayari hi shayari…

kuch kaam esay hotay hain jinhain jald bazi main kia jaye to acha hota hai…wesay jaldi say aap kia kia muraad hai…kis baat ki jaldi…

Noon to aik samundar hai jiss ko jo akhaz karna ho kar sakta hai…koi chahe isay jheel kehe ya darya apni apni khushi hai…:slight_smile:

7

Re: shayari hi shayari…

i mean to say that u posted all shayri in one thread rather than to post it in different threads … anyway its ur wish …

**Abt Noon meaning :confused: it seems u’ve inspred by Ishfaq Ahmad :hmmm: **