**
Taluq tornaa chahey
Tu mujh ko chornaa chahey
To meri shart itnee hay
Tumhain jo day chukaa hoon main
Mujhey lauta do woh sab kuch !
Meray naghmay woh chahat kay
Woh sab tohfay mohabbat kay
Woh bheegee dairy meri
Woh saree shayereee meri
Sabhi woh phool aur patiyaan
Woh meethee piyaar kee batain
Kaho lautaa sako gay tum ?
Meray woh qeematee lamhay
Jo tujh ko sochtey guzrey
Woh pal, jo ek qayamat they
Jo rastaa dekhtey guzrey
Khudaa ko bhool kar woh din
Jo tujh ko poojtay guzrey
Kaho lautaa sako gay tum ?
Haya kee chandni day dee
Jiaa kee raganee day dee
Laboon kee chashni day dee
Hinaa kee roshni day dee
Tujhey to zindagi day dee
To phir woh zindagi meri
Kaho lauta sako gay tum ?
Agar mumkin ho aisaa to
Taluq torh lena tum !
Bhaley phir chor dena tum…**
