Ek sharabi ki biwi uske peene ki aadat se badi dukhi thi aur har dum use tokti rahti thi. Ek din wo Allah ko pyari ho gayee. Sharabi bada hi khush hua, kyonki ab uski duniya mein azadi hi azadi thi. Jab jee mein aaye botal kholo.
Mayyat uthane ke liye usne apne sharabi yaron ko bulaya. Saare dost nashe mein ekdam tunn ho kar aaye. Mayyat ko kandha dekar larkhara kar chalne lage.
Kuchh door chalne par saamne ek khamba aa gaya, wo sab us se takra gaye. Taboot neeche gir pada aur wo aurat phir se zinda ho gayee. Sabhi log use zinda dekhkar bahut khush hue par wo sharabi bada dukhi hua.
Ek saal tak wo aurat theek rahi aur sharabi ki naak mein dum karti rahi. ek din wo phir mar gayee. Sharabi ki jaan mein jaan aayee. Usne apne saare piyakkad yaron ko talab kiya.
Mayyat phir se uthi. Yaar log larkharate hue chalte jaa rahe the aur wo sharabi peechhe se bolta jaa raha tha," yaaro !! khamba bacha ke, yaaro khamba bachake".
