Shafa dawa’on se se be-kahabr haii, asar dua’on se be-khabar haii
ajeeb lamha-e-be-his’si haii, sakhii gda’on se be-khabar haii
haii woh andhera k haath ko na sujhaii deta haii haath apna
hein aise anbaar beeriyon ke k pao’n pao’n se be-khabar haii
khameer-e-risq-e-haram se jo jo lahu k andar utar rahe hein
kama kama k jo la raha haii woh un bala’on se be-khabar haii
kara raha haii yaqee’n dahanii, suna raha haii yeh kiya kahaani!
abhi tou khud tu hi apnii chahat ki inteha’on se be-kahabar haii
na bandishein hein na hadd-e-faasil, na haii koii dermiya’n haa’il
pe jese begaana tu haii mujh se! yeh dhoop, chao’on se be-khabar haii
ye maal-o-dolat, ye jah-o-hashmat, ye badshahi, ye shensha-hi
jebein hamari tou iss zamane ke sab Khuda’on se be-khabar haii
na maut ka hii gumaa’n haii Barham, na ab haii ehsaas-e-jurm baaqii
diya hawa’on se be-khabar haii, khata’a saza’on se be-khabar haii !!
**
**