"shab-e-hijr merii....

Arts & Culture Poetry ( Intikhaab & Sho'ra-e-Gupshup)
1

aadaab dosto !

**

shab-e-hijr merii azaaboN meiN guzrii
kisii ke khayaaloN meiN,khwaaboN meiN guzrii

kabhii manzil-e-ishq paanaa thaa aasaaN
magar justujuu tab saraaboN meiN guzrii

baDii be mazaa vasl kii raat thi jo
musalsal sawaaloN jawaaboN meiN guzrii

kahin ho na jaaye miraa ghar bhi raushan
isi khauf se zau hijaaboN meiN guzrii

kabhii sher ban ke ,kabhii ban ke naGhmaa
miree khasta haalii naqaaboN meiN guzrii

shikast-e-muhabbat ki itnii kahaanii…
gul-e-khushk ban ke kitaaboN meiN guzrii

miree aah-o-zaarii nashaa ban ke aksar
sar-e-bazm-e-rindaaN sharaaboN meiN guzrii

woh kya jaane pur khaar rastoN ki shiddat
guzar gaah jiskii GhulaaboN meiN guzrii

naseehat hameiN kar rahaa hai woh naaSeH
sadaa umr jiskii KharaaboN meiN guzrii

agar hauslaa hai to ban ke dikhaa de
Woh LAILAA kabhi jo nisaaboN meiN guzrii!!!

                  ~Shumaila~**
2

Re: "shab-e-hijr merii…

:blush:

Wonderful piece of poetry… thank you for sharing.. :slight_smile:

PS:- Irfan Abid?

3

Re: "shab-e-hijr merii…

Thanx KN no its not mine its my friend Shumaila’s

Note# KN jee my real name is Irfan so dont be confused :slight_smile:

--Introducing The PAGALZ CLUB--
4

Re: "shab-e-hijr merii…

Its Beautiful… Very Nice… Tnx Waseem :flower1:

And… How come Ur real name is Irfan :eek:

5

Re: "shab-e-hijr merii....

very nice :)

6

Re: "shab-e-hijr merii…

Jee.. I know its Shumaila’s.. I was blushing on something else.. hehe

Thank you for pointing out.. was just confirming if it was really you :-p Naa.. I was just being confused about which name was the right one… :slight_smile:

>>> Pink iz Back <<<
7

Re: "shab-e-hijr merii…

boohat he pyari sooch kay sath liekha hai jis nay bhi liekha hai :k: