"shaah.raahoN se zaraa nazreN haTaa kar dekhiye "

Arts & Culture Poetry ( Intikhaab & Sho'ra-e-Gupshup)
1

**aadaab, dosto!

Ek Ghazal pesh hai. mulaahizah farmaaiye aur ho sake to apnii raae se navaaziye.

shaah.raahoN se zaraa nazreN haTaa kar dekhiye
shahr kii veeraaniyaaN galiyoN meN jaa kar dekhiye

zindagii kii dilkashii ke aap gar qaail nahiiN
to kisii nanhe se bachche ko haNsaa kar dekhiye

dekhnaa hai der.paaii gar makaan-e-dahr kii
sirf suukhii ret se ik ghar banaa kar dekhiye

un meN se aaKhir koii dunyaa ko bhaa hii jaayegaa
apne chahre par kayii chahre chaRhaa kar dekhiye

ain mumkin hai ki us ke dil meN ab nafrat na ho
ek din dushman ko seene se lagaa kar dekhiye

ye ziyaaN vo hai jo detaa hai mazaa sad.suud kaa
dil kisii dilbar kii mahfil meN gaNvaa kar dekhiye

phuul, daryaa aur baadal sur milaa kar gaayeNge
naGhma-e-ulfat ko saaz-e-dil pe gaa kar dekhiye

farq-e-muKhtaarii-o-majburii ayaaN ho jaayegaa
aap merii yaad ko dil se miTaa kar dekhiye

suu-e-chashm aayaa na koii qatra-e-KhuuN aaj tak
:kitnii vus.at hai hamaare dil meN aa kar dekhiye:

yaaN samajhtaa hii nahiiN koii zabaan-e-aajizii
ek hangaamaa sar-e-mahfil uThaa kar dekhiye

bazm meN bhii kam nahiiN merii Ghazal :Waseem: magar
haalat-e-Khilvat meN is ko gungunaa kar dekhiye!**

                       **Waseem Ahmed**
2

wow.. wonderful ghazal..:k:

lekin ye ap ne yahan kio post ker dii?:konfused:

3

aap ko kuch sumjhanay k liye :)

Ghazal par daad kaa bahut bahut shukriya!

4

Re: "shaah.raahoN se zaraa nazreN haTaa kar dekhiye "

Waseem: the way you have connected every second line of the shair with the first (that is second misra’ to the first) is quite a wonderful work:flower1:

**zindagii kii dilkashii ke aap gar qaail nahiiN
to kisii nanhe se bachche ko haNsaa kar dekhiye **

Really, we sometimes look at the negative side of the picture… hay naa:)?

**dekhnaa hai der.paaii gar makaan-e-dahr kii
sirf suukhii ret se ik ghar banaa kar dekhiye **

So true… This World will end one day… :slight_smile:

**un meN se aaKhir koii dunyaa ko bhaa hii jaayegaa
apne chahre par kayii chahre chaRhaa kar dekhiye **

reminds me of two ash’aar:

*jub bhee chaahaiN ik naie sooorat banaa laitay haiN loug
ik chehray par kaie chehray sajaa laitay haiN loug

iss jahaaN maiN kub kissi kaa dard apnaatay haiN loug
rukh hawaa kaa dekh kar aksar badal jaatay haiN loug *:~)

**ain mumkin hai ki us ke dil meN ab nafrat na ho
ek din dushman ko seene se lagaa kar dekhiye **

:slight_smile:

**farq-e-muKhtaarii-o-majburii ayaaN ho jaayegaa
aap merii yaad ko dil se miTaa kar dekhiye **

Wowwwwwwwwww

**yaaN samajhtaa hii nahiiN koii zabaan-e-aajizii
ek hangaamaa sar-e-mahfil uThaa kar dekhiye **

LOL :smiley: that reminds me of Feedback forum here but does not fit all :stuck_out_tongue:

5

khoob

6

Mr.Anwaar Qureshi Sahab Ghazal par daad kaa bahut bahut shukriya! :)

7

[QUOTE]
*Originally posted by Azad: *
khoob
[/QUOTE]

Thanx !!

8

zindagii kii dilkashii ke aap gar qaail nahiiN
to kisii nanhe se bachche ko haNsaa kar dekhiye

dekhnaa hai der.paaii gar makaan-e-dahr kii
sirf suukhii ret se ik ghar banaa kar dekhiye

un meN se aaKhir koii dunyaa ko bhaa hii jaayegaa
apne chahre par kayii chahre chaRhaa kar dekhiye

ain mumkin hai ki us ke dil meN ab nafrat na ho
ek din dushman ko seene se lagaa kar dekhiye

wah..Waseem Sahab. Bahot khub ghazal hai. maza aa gaya.
DheroN Daad kubul kijiye...

9

[QUOTE]
*Originally posted by Pramod: *
zindagii kii dilkashii ke aap gar qaail nahiiN
to kisii nanhe se bachche ko haNsaa kar dekhiye

dekhnaa hai der.paaii gar makaan-e-dahr kii
sirf suukhii ret se ik ghar banaa kar dekhiye

un meN se aaKhir koii dunyaa ko bhaa hii jaayegaa
apne chahre par kayii chahre chaRhaa kar dekhiye

ain mumkin hai ki us ke dil meN ab nafrat na ho
ek din dushman ko seene se lagaa kar dekhiye

wah..Waseem Sahab. Bahot khub ghazal hai. maza aa gaya.
DheroN Daad kubul kijiye...
[/QUOTE]

aap kii be-intihaa navaazish ke liye manuun huuN!