samndaron main beh gaey, jo seepiyon kay khwaab thay
jo rait per bikhar gaey, wo motiyon kay khwaab thay
suna tha is dafa khizaan, bahaar bun kay aaey gi
pa rung bun kay urh gaey jo titliyon kay khwaab thay
go baarishon main mera ghar to jal kay raakh hogaya
chalo keh pooray hogaey jo bijliyon kay khwaab thay
ja-hayz jub na day saka wo baytiyon kay waastay
to toot ker bikhar gaey jo chooRiyon kay khwaab thay
sahar hui to is liyay main khaab daikhta raha
keh meray khaab shehr bhar kay baasiyon kay khwaab thay
rahain gi ab khushi khushi bana kay rait ka mahal
yay paaniyon kay raaston main choontiyon kay khwaab thay
jo khaab toot phoot ker hawaaon main bikhar gaey
wo khaab ek ghareeb ghar ki baytiyon kay khwaab thay
najaanay kon tha keh her chaman ko loot lay gaya
najaanay kab ujarh gaey jo maaliyon kay khwaab thay
guzishta raat bayth ker main tujh ko sochta raha
jabhi to meri aankh main chan-bayliyoN kay khwaab thay
