seena dehak raha hai to kya chup rahe koee
kyun cheekh cheekh ker na gala cheel le koee
saabit huaa sukoon e dil o jaan kaheen naheen
rishton mein dhoondta hai to dhoonda kare koee
tark e tualluqaat koee masala naheen
yeh to voh raasta hai ke bas chal parhe koee
deewaar jaanta tha jise mein voh dhool thee
ab mujh ko etimaad ki daawat na de koee
mein khud yeh chahta hoon ke haalaat hon kharab
mere khilaaf zeher ugalta phire koee
haan theek hai mein apni ana ka mareez hoon
aakhir mere mizaaj mein kyun dakhl de koee
ek shakhs ker raha hai abhi tak wafa ka zikr
kaash is zaban daraaz ka muun noach le koee
