خ se shroo hone wale ashaar

Arts & Culture Poetry ( Intikhaab & Sho'ra-e-Gupshup)
1

Please post ashaars with خ

The poster with the maximum number of ashaar will be the winner](“Ḫāʾ - Wikipedia”)

2

Re: خ se shroo hone wale ashaar

Khwab ki tarah bikhar jane ko ji chahta hai
aisi tanhai ke mar jane ko ji chahta hai

3

Re: خ se shroo hone wale ashaar

*Khaamoshi khud apani sadaa ho aisaa bhi ho sakataa hai

sannaata hee guunj rahaa ho aisaa bhi ho sakataa hai *

4

Re: خ se shroo hone wale ashaar

Khushk patton ki tarah log uRe jate hain
shehr bhi lagta hai ab kisi jungle ki tarah

5

Re: خ se shroo hone wale ashaar

*Khud ko taqseem karoon, kuch bhi na haasil aaye. .
Khuli fiza se tumhain bhi boht lagao hai. . ! *

6

Re: خ se shroo hone wale ashaar

Khuda mehfooz rakhay, in ki zid pe hum na aajain
Shikari apney matlab ka nishana dhoond laity hain

7

Re: خ se shroo hone wale ashaar

Khiza’n ka waar bhi kaar’gar tha dil per magar
Boht bacha kar rakha ye gulab meine bhi. . !

8

Re: خ se shroo hone wale ashaar

Khat is liye shayad mujhy ab tum nahi’n likhtey
Kaghaz pe uter aatey hain saanso’n k nisha’n bhi

9

Re: خ se shroo hone wale ashaar

Khaak urraatey phirtey hain ab khaak nashee’n
Ik din kehkasha’n per pao’n na tikta tha. !

10

Re: خ se shroo hone wale ashaar

Khuwabo’n jesi baatain kar k
Kia taabeer’ain paa sakti ho?

11

Re: خ se shroo hone wale ashaar

*Khuda ka shukr hai hum ik fiza mein saans laity hain
Agar milty nahi, itna to itminaan rehta hai . ! *

12

Re: خ se shroo hone wale ashaar

Kharaash’ain daal di hain dil k aainey pe duniya ne
Mery har dukh, mery har dard ka dar-maa’n kahan ho tum?

13

Re: خ se shroo hone wale ashaar

Khud ko bhi lutaon to bohat kami hai meri jan,
Ik umar ka hasil ho tujhey kesi wafa dun,

14

Re: خ se shroo hone wale ashaar

Khalq pathar marney ai to wo bhi sath they,
Main khataien jin ki apney naam likhwata raha..

15

Re: خ se shroo hone wale ashaar

Khat me likhey hoye ranjish kay peyaam atey hain,
Kis qayamat kay ye namey merey naam atey hain..

16

Re: خ se shroo hone wale ashaar

Khushi ki chand bondien jism ko geela kar to deti hain,
Mayassar rahtien lekin zayada kiyon nahi hotien,

17

Re: خ se shroo hone wale ashaar

Khushi sey muskurana to kisi ki azmayesh hai,
Udasi me kisi ki be basi mehsoos hoti hai,

18

Re: خ se shroo hone wale ashaar

Khatawar samjhey gi duniya tujhey,
Ab itni zayada safai na dey,

19

Re: خ se shroo hone wale ashaar

Khabar kya thi kay wo ik roz mujhko bhool jaye gi,
Or us ki yad mujh ko khoon kay anso rulaye gi.

20

Re: خ se shroo hone wale ashaar

Khanjar sey karo bat na talwar sey pocho,
Main qatal howa kesey merey yar sey pocho.