woh subha subha aankh maltay huway uthna
lagta tha mushkiloN ka ek anbaar woh uthna
Naashta karna bhi ek azaab lagta tha
tayaar hona bhi ajeeb kaam lagta tha
Assembly mai hamesha ki tarhan woh late hona
Wohi tha buss hamari sazaoN ki shuruwaat hona
Home-work karne ki kuch aadat hi nahi thi
teacher tou magar jaan ki dushman si bani thi
woh maarnay ki aur hum pitnay k shadaAyi
lagta tha roz humko key shamat hai koi aayee
Jaisey hi baja karti thi resis ki woh ghantee
dil mai tou jaise bajti thi khusiyon ki haan bansee
woh doston kay saath lunch share karna
lunch tou kam harkatain hi zaida karna
dil bujh sa jata tha iss break kay orrh
shuru hojata tha boriat ka wohi daur
2 ghantay yeh qabal-az chutti guzarna muhaal thay
bachay tou ab class kay saaray nidhaal thay
iss kash-ma-kash mai chutti ki ghanti jo bajj gayi
humko tou jaisay zindagi ki lehar choo gayee
puhanchey jo ghar tou ek araam sa mila
khana mila tou jism ko sakoon sa mila
ammi ki ek sada thi jo hum per thi kuch giraan
humko tha uniform badalna hi kuch giraan
khana jo kuch mila tou hamain neend agayi
ankhain hamari junhee khooleen shaam aagayi
woh waqt bhi kuch suhaana tha
khelna koodna hi shagaf hamara tha
na zindagi ka hosh na future ki thi kuch fikar
sharartoN ka hosh tha aur thi khel ki fikar
hum ko na kisi baat ka bhi hosh hota tha
cricket ka shoq aur batting ka intezaar hota tha
har baat pe zidd karne ki aadat si thi humain
abbu ki daant sunney ki aadat si thi humain
woh cherna behen ko satana gharee gharee
phir rooth gayee tou manaana gharee gharee
Ab yaad karta hoon tou khud-hee muskurata hoon
main yaad main maazee kay apnay kho sa jata hoon
woh bachpana Suhail na bhool paoonga kabhi
woh subha raat shaam kya la paoonga kabhi
where u live in NY?
umm school k din…itny b bury nahi hoty…haan bas thora parna parta hay…lakin sath sath buhat fun b tu hota hay school friends k sath…right??