here is a piece by Jaun Eliya …i think he is one of the most under rated poet from pakistan … this is my very favourite poem and maybe i have shared it with you already per aaj phir aap sub kai liyai post ker rehi hon.
her baar mairai samnai aatee rahi ho tum
her baar tum se mil kai bicherta raha hon main
tum kaun ho ye khud bhi nahi janti ho tum
main kaun hon ye khud bhi nahi janta ho main
tum mujh ko jaan ker hi paree ho azaab main
aur is terah khud apnee saza ban gaya hon main
tum jis zameen per ho main uska khuda nahi
bus sarbasar aziyat-o-azaar hi raho
bezaar ho gai ho buhat zindagi se tum
jab bus main kuch nahi hai to bezaar hi raho
tum ko yehan kai saaya-e-paratau se kya gharaz
tum apnai haq main beech ki dewaar hi raho
main ibtada-e-ishq main bemahr hi raha
tum inteha-e-ishq ka mayyar hi raho
tum khoon thookti ho ye sun ker khushi hui
is rang is adaa main bhi purkaar hi raho
main nai ye kab kaha kai mohabbat main hai nijaat
main nai ye kab kaha kai wafadaar hi raho
apnee mataa-e-naaz luta ker mairai liyai
bazaar-e-iltafaat main nadaar hi raho
jab main tumhai nishaat-e-mohabbat na day saka
gham main kabhi sakoon-e-rafaqat na day saka
jab mairai sarai charagh-e-tamanna hawa kai hain
jab mairai sarai khawb kisi bewafa kai hain
phir mujhhai chahnai ka tumhai koi haq nahi
tanha karahnai ka tumhain koi haq nahi