saraab.e.zeest mein hum Doobte ubharte rahay
Khizaan.gazeeda! umeed.e.bahaar karte rahay!
umeed karte rahay aur dil mein Dartay rahay
qafas naseeb the, din iss tarah guzarte rahay!
abhee yeh raat Dhale gee, abhee sahar ho gee
tamaam umr yehee intizaar karte rahe!
kabhee yaqeen kee soorat, kabhee gumaan kee tarahan
hamaare Khwaab bigarte rahay, sanvarte rahay!
gunaah.gaar.e.azal hain, phir aur kyaa karte?
umeedvaar.e.karam hain, gunaah karte rahay!
kitaab.e.dehr per bas ik nigaah Daalee thee
zaraa saa qarz thaa, ik umr uss ko bharte rahay!
zaraa see baat per be.iKhtiyaar ho?
karo ge kyaa jo yooN hee Haadisay guzarte rahay?