sar taa ba_qadam Husn vo saamaan-e-tamannaa...my Dad's Ghazal :)

KKF · February 14, 2011, 4:09pm

**ahl e bazm,

salaam alaikum,

ummeed hai k mizaaj-e-giraamii baKhair hoNge. vaalid moHtaram kii ek Ghazal pesh-e-Khidmat hai [merii handwriting meN], mulaahizah farmaaiye. shukria

Allah Haafiz
_______Hashmat**

**1.
sar taa ba_qadam Husn vo saamaan-e-tamannaa
ek ek adaa silsila-e-jumbaan-e-tamannaa

us 'aariz-e-naazuk pe mirii her nigeh-e-shauq
ik mauj-e-naseem-e-chamanistaan-e-tamannaa

ho fikr bar_aane kii havis hii ko mubaarak
yeh kaavish-e-be_jaa nahiiN shaayaan-e-tamannaa

ham soKhta_jaanoN ko na chheR, ai nigeh-e-dost!
seene meN liye baiThe haiN ik tuufaan-e-tamannaa

dekho to zaraa laala-o-gul kaa kabhii khilnaa
kis rang meN hai Khoon-e-shaheedaan-e-tamannaa

jab jam’a huye shauq ke ajzaa-e-parishaaN
baiThaa thaa kaleje meN vohii jaan-e-tamannaa

terii nigeh-e-naaz ne phooNkii hai yahaaN rooH
sotaa thaa paRaa paikar-e-be_jaan-e-tamannaa

us ruKh pe hai rang ik Khaamosh talaatum
jis taraH mirii rooH meN haijaan-e-tamannaa

ai maslaHat-e-'aql! haTaa apnaa nasheman
aayii hai bahaar-e-sharar_afshaan-e-tamannaa**

Restored attachments:

UZ · February 14, 2011, 4:47pm

Re: sar taa ba_qadam Husn vo saamaan-e-tamannaa…my Dad’s Ghazal

Very nice KKF :k: You should be really proud you are a son of great poet. And aap ke walid ki apni handwriting ki asli nazam hai aap ke pass. You should laminate it.

KKF · February 14, 2011, 4:56pm

Re: sar taa ba_qadam Husn vo saamaan-e-tamannaa…my Dad’s Ghazal

**UZ, aapkaa bahooot bahooot shukria k aapko Ghazal pasand aayii…ham log almost ready to publish his deevaan into 3 volumes. i’ve collected them all and just needs to be printed in india when i go next time iA…i think by summer of this year

jab vaalid marHoom baa_hayaat the to ham meN se kisi ko shaa’irii kaa shauq nahiiN thaa is liye vo jab hamko sunaate to ham bas be-dili se sunte kaash us waqt hameN shauq hotaa to aaj ham usse mustafeed ho chuke hote.

vaalide marHoom kii handwriting puraane zamaane waali thii jise aajkal ke daur ke log shaayad hii paRh paayeN…namoone ke taur pe yeh attach kar rahaa huN:**

Restored attachments:

Faris_Udeen · February 14, 2011, 5:15pm

Re: sar taa ba_qadam Husn vo saamaan-e-tamannaa…my Dad’s Ghazal

Wow KKF bhai your lucky to have such a talented father…

UZ · February 14, 2011, 5:15pm

Re: sar taa ba_qadam Husn vo saamaan-e-tamannaa…my Dad’s Ghazal

Still nice ab to qadar ker rahey ho naa walid ke sheron ki :k:

KKF · February 15, 2011, 12:31am

Re: sar taa ba_qadam Husn vo saamaan-e-tamannaa…my Dad’s Ghazal

**thank you…maan baap to sabhii ke zabardast hote haiN Allah sab ke sar pe unkaa saayaa qaa’im rakkhe…aameen
**

ahaaN, bilkul! har roz unkii maGHfirat kii du’aa kartaa huN…Allah hamaare sabhii raftagaan ko jannat ul firdaus meN jagah 'ataa farmaaye…aameen

UZ · February 15, 2011, 2:28am

Re: sar taa ba_qadam Husn vo saamaan-e-tamannaa...my Dad's Ghazal :)

sum ameen

Amal · February 15, 2011, 1:48pm

Re: sar taa ba_qadam Husn vo saamaan-e-tamannaa...my Dad's Ghazal :)

[QUOTE]
*ho fikr bar_aane kii havis hii ko mubaarak
yeh kaavish-e-be_jaa nahiiN shaayaan-e-tamannaa
*
[/QUOTE]

Tamaam aashaar aek sey barrh kar aek heiN. Is ghazal ke baarey meiN kuch kehna sooraj ko chiraagh dikhaaney ke mutraadif ho ga :) UZ ney sahi kaha, you should be proud of your father :)

Daanie · February 16, 2011, 4:21am

Re: sar taa ba_qadam Husn vo saamaan-e-tamannaa...my Dad's Ghazal :)

buhut khoob ji :)

KKF · February 21, 2011, 12:11am

Re: sar taa ba_qadam Husn vo saamaan-e-tamannaa...my Dad's Ghazal :)

Amal Bhai aapkaa behad shukria k aapko Ghazal pasand aayii...jo she'r aapko pasand aayaa aur jiskii nishaan-dehii aapne kii vo dar asl mujhe bhii bahot pasand aayaa thaa...shukria ek abar phir se aapkaa :)

bahooot bahooooot shukria aapkaa :)

Shab-e-Hijar · February 21, 2011, 1:59am

Re: sar taa ba_qadam Husn vo saamaan-e-tamannaa…my Dad’s Ghazal

waah mashallah…bohat khoob :k:

ap kis par chalay gaye

KKF · February 21, 2011, 2:16am

Re: sar taa ba_qadam Husn vo saamaan-e-tamannaa…my Dad’s Ghazal

**hahaha…maiN Khud pe chalaa gayaa…hamaare gaaoN meN ek kahaavat hai jo aksar log mujh par kaste the…“bilaaii ke goo, na leepai ke na potai ke” jiskaa mafhoom kuchh yuN hai k vo jo kisi qaabil na ho…ham kisi qaabil nahiiN aur yehii merii bahtareen qaabliyat hai :D…ham jaisa koi ho to saamne aaye mujhe pataa ahi k agar koi hogaa bhi to maare sharm ke saamne aayegaa hii nahiiN ;omg:

pasandeedgii ke liye aapkaa shukria barf-baarii enjoy kar rahii haiN na?**

muddii · February 21, 2011, 3:47am

Re: sar taa ba_qadam Husn vo saamaan-e-tamannaa...my Dad's Ghazal :)

Very beautiful words KKF:)

KKF · February 21, 2011, 2:12pm

Re: sar taa ba_qadam Husn vo saamaan-e-tamannaa...my Dad's Ghazal :)

shukria janaab aapkaa bahot bahot :D

Koyal · February 21, 2011, 2:20pm

Re: sar taa ba_qadam Husn vo saamaan-e-tamannaa...my Dad's Ghazal :)

ap k walid bohat acha likhtey haiN Mr. Fakhta :)