Santa aur Banta naam ke do Bhai apne maa aur billi ke saath Ludhiana mein rehte the. Santa apni billi ko bahut pyaar karta tha. Ek baar, Santa Ko kisi kaam se Bombay ek mahine ke liye jaana tha.
To wah Banta Ko kehta hain ki main Ludhiana jaa raha hoo. Maa aur billi ka khyal rakhna. Banta kehta hain ki fikr naa kar, bhai. Main tumhe posted rakhoonga. Santa khus ho kar Bambai jaata hain.
Do din baad, Santa ko apni billi ki bahut yaad aati hain. To wah Banta ko phone karke poochta hain ki “Meri billi kaisi hain?”
Banta kehta hain: “Tumhari billi mar gayi?”
Santa: “Hey Bhagwan! Yeh kaise hua?”
Banta: “Wah billi chath par chadh gayi aur udhar se gir gayi! Wah turant mar gayi!!”
Thodi der tak Santa sann hota hain aur phir bolta hain: “Banta! Yeh tumne kya kiya? Ekdum se aise shocking news diya! Pehle bolna chahiya tha ki Billi chath par gayi hain aur neeche gir kar injured ho gayi! Do din baad jab main phone karta to kehna tha ki wah ab unconscious hui hain! Aur phir kehna tha ki wah mar gayi. Is tarah main aise durghatna ke liye prepared rehta!!!”
Banta stutters: “I-I-I-I-am S-S-S-orry. Bhaiyya”.
Santa calms down and then says: “Achcha bata, maa kaisi hain?”
Banta turant bolta hain: “Maa chath par hain!!!”