Sana khwaan e taqdees e mushriq kahan hein?

Arts & Culture Poetry ( Intikhaab & Sho'ra-e-Gupshup)
1

The strongest poetry I have ever read on the subject, Indeed Sahir Ludhianvi was a great poet of his time.

Ye kuuche ye niilaam ghar dilkashii ke
ye luTate hue kaarawaaN zindagii ke
kahaaN hain, kahaaN hain muhaafiz Khudii ke?
Sanaa Khwaan-e-taqdiis-e-mashriq kahaaN hain?

Ye purpench galiyaaN, ye beKhaab baazaar
ye gumanaam raahii, ye sikkon kii jhankaar
ye ismat ke saude, ye saudon pe takaraar
Sanaa Khwaan-e-taqdiis-e-mashriq kahaaN hain?

ta’affun se pur niim roshan ye galiyaaN
ye masalii huii adh khilii zard kaliyaaN
ye bikatii huii khokalii rang raliyaaN
Sanaa Khwaan-e-taqdiis-e-mashriq kahaaN hain?

wo ujale dariichon mein paayal kii chhan-chhan
tanaffus kii ulajhan pe tabale kii dhan-dhan
ye beruuh kamaron mein khaaNsii kii dhan-dhan
Sanaa Khwaan-e-taqdiis-e-mashriq kahaaN hain?

ye guuNje hue qah-qahe raaston par
ye chaaron taraf bhiiD sii khiDakiyon par
ye aawaazen khiinchate huwe aaNchalon par
Sanaa Khwaan-e-taqdiis-e-mashriq kahaaN hain?

ye phuulon ke gajare, ye piikon ke chhiinTe
ye bebaak nazareN, ye gustaaKh fiqare
ye dhalake badan aur ye madaquuq chehare
Sanaa Khwaan-e-taqdiis-e-mashriq kahaaN hain?

ye bhuukii nigaahen hasiinon kii jaanib
ye baDate hue haath siinon kii jaanib
lapakate hue paaNv ziinon kii jaanib
Sanaa Khwaan-e-taqdiis-e-mashriq kahaaN hain?

yahaan piir bhii aa chuke hain jawaa.N bhii
tanuu mand beTe bhii, abbaa miyaaN bhii
ye biiwii bhii hai aur bahan bhii hai, maaN bhii
Sanaa Khwaan-e-taqdiis-e-mashriq kahaaN hain?

madad chaahatii hai ye hawwaa kii beTii
yashodaa kii ham jins raadhaa kii beTii
payambar kii ummat zulaiKhaa kii beTii
Sanaa Khwaan-e-taqdiis-e-mashriq kahaaN hain?

zaraa mulk ke raah baron ko bulaao
ye kuuche ye galiyaaN ye manzar dikhaao
sanaa Khwaan-e-taqdiis-e-mashriq ko laao
Sanaa Khwaan-e-taqdiis-e-mashriq kahaaN hain?

2

Re: Sana khwaan e taqdees e mushriq kahan hein?

definitely strongest poem, but then I always find Saahir to be a man of strong words...

PS: should be moved to Intikhab. Mods?

3

Re: Sana khwaan e taqdees e mushriq kahan hein?

nice sharing light :)

4

Re: Sana khwaan e taqdees e mushriq kahan hein?

ahh very nice :k:

aq can you please tell me the background of this poem ?

Can a women dance in front of her husband ?
5

Re: Sana khwaan e taqdees e mushriq kahan hein?

I do not know the background of this poem Shab. If you find out, do post it... will definitely love to read.

6

Re: Sana khwaan e taqdees e mushriq kahan hein?

This beautiful song was sung by Lata Mangeshkar in the feature film Taj Mahal (1963). The music was by Roshan. A beautiful Ghazal that talks about war….

Khudaa-e-bartar terii zameeN par, zameeN ki Khaatir, ye jaNg kyoN hai?
har ik fatah-o-zafar ke daaman pe Khuun-e-insaaN ka raNg kyoN hai?
zameeN bhi teri, haiN ham bhi tere, ye milkiyat ka savaal kyaa hai?
ye qatl-o-KhuuN ka rivaaz kyoN haiN? ye rasm-o-jaNg-o-jadaal kyaa hai?
jinheiN talab hai jahaan bhar ki unhiiN ka dil itnaa taNg kyoN hai?

Khudaa-e-bartar terii zameeN par, zameeN ki Khaatir, ye jaNg kyoN hai?
Ghareeb maaoN, shareef behnoN ko amn-o-izzat kii zindagii de
jinheiN ataa kii hai tuu ne taaqat, unheiN hidaayat kii roshnii de
saroN meiN kibr-o-Gharoor kyoN hai? diloN ke sheeshe pe zaNg kyoN hai?

Khudaa-e-bartar terii zameeN par, zameeN ki Khaatir ye jaNg kyoN hai?
qazaa ke raste pe jaanevaaloN ko bach ke aane kii raah dena
diloN ke gulshan ujaR na jaayeiN, muhabbatoN ko panaah dena
jahaaN meiN jashn-e-vafaa ke badle, ye jashn-e-teer-o-tufaNg kyoN hai?
Khudaa-e-bartar teri zameeN par, zameeN ki Khaatir, ye jaNg kyoN hai?

7

Re: Sana khwaan e taqdees e mushriq kahan hein?

Zabardast :k: